批信
《批信》Phue-sìn
吳雨璇Ngôo Ú-suân
歐吉虎Au Kiat-hóo
——————————————
頭一擺見面時
thâu-tsi̍t-pái kìnn-bīn sî
咱攏無意無意
lán lóng bô-ì-bô-ì
坐落來點一杯咖啡
tsē lo̍h-lâi tiám tsi̍t-pue ka-pi
就開始寫著咱的批信
tiō khai-sí siá tio̍h lán ê phue-sìn
第二擺看著你
tē-jī pái khuànn-tio̍h lí
心內確實有反應
sim-lāi khak-si̍t ū huán-ìng
真想欲當做無代誌
tsin siūnn-beh tòng-tsò bô tāi-tsì
其實早就無藥醫
kî-si̍t tsá tiō bô io̍h i
時間漸漸過去
sî-kan tsiām-tsiām kuè–khì
無辦法接受無你的日子
bô-pān-huat tsiap-siū bô lí ê ji̍t-tsí
感情漸漸仔深
kám-tsîng tsiām-tsiām-á tshim
這種代誌
tsit-tsióng tāi-tsì
實在無好說明
si̍t-tsāi bô-hó sueh-bîng
彼幫無停的高鐵
hit pang bô-thîng ê ko-thih
想欲直直行入你的心
siūnn-beh ti̍t-ti̍t kiânn ji̍p lí ê sim
過去遐的歹代誌
kuè-khì hia-ê pháinn tāi-tsì
原來攏是為著拄著你
guân-lâi lóng-sī uī-tio̍h tú-tio̍h lí
頭一擺牽著你
thâu-tsi̍t-pái khan-tio̍h lí
面是規个紅記記
bīn sī kui-ê âng-kì-kì
彼條熱鬧的夜市
hit tiâu lāu-jia̍t ê iā-tshī
是咱行做伙的證據
sī lán kiânn tsò-hué ê tsìng-kì
到這馬看著你
kàu tsit-má khuànn-tio̍h lí
心內確定有反應
sim-lāi khak-tīng ū huán-ìng
真想欲當做無代誌
tsin siūnn-beh tòng-tsò bô tāi-tsì
其實早就無藥醫
kî-si̍t tsá tiō bô io̍h i
↓↓(RAP)—(RAP)—(RAP)↓↓
到這馬才會記得
kah tsit-má tsiah ē-kì-tit
彼工發生的所有代誌
hit-kang huat-sing ê sóo-ū tāi-tsì
就因為善良的心
tō in-uī siān-liông ê sim
所以兩人才有法度倚近
sóo-í nn̄g-lâng tsâi ū-huat-tōo uá-kīn
我點一杯Coffee
guá tiám tsi̍t-pue Coffee
彼工真寒
hit-kang tsin kuânn
共你點一杯Hot-tea
kā lí tiám tsi̍t-pue Hot-tea
你講來寫批予未來的家己
lí kóng lâi siá-phue hōo bī-lâi ê ka-tī
氣氛淡薄仔趣味
khì-hun tām-po̍h-á tshù-bī
我佮你
guá kah lí
水佮魚
tsuí kah hî
紙佮筆
tsuá kah pit
寫情字
siá tsîng-jī
我問你為啥物
guá mn̄g lí uī-siánn-mih
你無應
lí bô ìn
笑咪咪
tshiò bi-bi
一年後會變按怎
tsi̍t-nî āu ē piàn án-tsuánn
無人講會準
bô-lâng kóng ē tsún
但我心內已經有答案
tān guá sim-lāi í-king ū tap-àn
像水就咧欲滾
tshiūnn tsuí tō tih-beh kún
我佮你的關係
guá kah lí ê kuan-hē
佇彼工就開始變化
tī hit-kang tō khai-sí piàn-huà
欲共所有感覺寫佇歌詞
beh kā sóo-ū kám-kak siá tī kua-sû
會唱袂煞
ē tshiùnn buē-suah
最後一幫高鐵
tsuè-āu tsi̍t-pang ko-thih
已經欲到
í-king beh kàu
送你到遮
sàng lí kàu tsia
期待後一擺的見面
kî-thāi āu tsi̍t-pái ê kìnn-bīn
一年後的批紙
tsi̍t-nî āu ê phue-tsuá
↑↑(RAP)—(RAP)—(RAP)↑↑
時間漸漸過去
sî-kan tsiām-tsiām kuè–khì
無辦法接受無你的日子
bô-pān-huat tsiap-siū bô lí ê ji̍t-tsí
感情漸漸仔深
kám-tsîng tsiām-tsiām-á tshim
這種代誌
tsit-tsióng tāi-tsì
實在無好說明
si̍t-tsāi bô-hó sueh-bîng
彼幫無停的高鐵
hit pang bô-thîng ê ko-thih
想欲直直行入你的心
siūnn-beh ti̍t-ti̍t kiânn ji̍p lí ê sim
過去遐的歹代誌
kuè-khì hia-ê pháinn tāi-tsì
原來攏是為著拄著你
guân-lâi lóng-sī uī-tio̍h tú-tio̍h lí
