成全女人花
《成全女人花》Sîng-tsuân Lú-jîn-hue
向蕙玲Hiòng Huī-lîng
——————————————
願意化做白蝶隨風飛
guān-ì huà-tsuè pe̍h-tia̍p suî hong pue
拍拚表現阮一身美麗
phah-piànn piáu-hiān gún it-sin bí-lē
為你流淚
uī lí lâu-luī
證明咱愛過
tsìng-bîng lán ài–kuè
為你受盡別人閒仔話
uī lí siū-tsīn pa̍t-lâng îng-á-uē
希望牽手
hi-bāng khan-tshiú
話簡單講坦白
uē kán-tan kóng thán-pe̍h
毋免閣再
m̄-bián koh-tsài
半暝仔等電話
puànn-mî-á tán tiān-uē
這段情
tsit tuānn tsîng
無啥人讓誰過
bô siánn-lâng niū siáng kuè
拜託疼惜單純女人花
pài-thok thiànn-sioh tan-sûn lú-jîn-hue
心甘情願
sim kam tsîng guān
蓋寂寞半爿被
kah tsi̍k-bo̍k puànn-pîng phuē
另外一爿
līng-guā tsi̍t-pîng
抱孤單冷規暝
phō koo-tuann líng kui-mê
這情夢
tse tsîng-bāng
無啥人較好過
bô siánn-lâng khah hó-kuè
拜託月老
pài-thok gua̍t-ló
成全女人花
sîng-tsuân lú-jîn-hue
