想你規暝
《想你規暝》Siūnn Lí Kui-mê
丹恩Tan-un
——————————————
這世人敢有機會
tsit-sì-lâng kám ū ki-huē
有一工會當佮你做伙
ū-tsi̍t-kang ē-tàng kah lí tsò-hué
阮只會當囥咧心底
gún tsí ē-tàng khǹg teh sim-té
阮佇你的心內敢會鎮地
gún tī lí ê sim-lāi kám ē tìn-tè
想著你的一切
siūnn-tio̍h lí ê it-tshè
我愛你
guá ài lí
就算辛苦我嘛袂怨慼
tiō-sǹg sin-khóo guá mā bē uàn-tsheh
敲予你的電話
khà hōo lí ê tiān-uē
寫予你的情批
siá hōo lí ê tsîng-phue
毋知你是按怎想的
m̄-tsai lí sī-án-tsuánn siūnn–ê
但是我的心內
tān-sī guá ê sim-lāi
只有你一个
tsí-ū lí tsi̍t-ê
我想你規暝
guá siūnn lí kui-mê
你囥我心肝內底
lí khǹg guá sim-kuann lāi-té
你就像春天的花
lí tiō tshiūnn tshun-thinn ê hue
恬恬佇對面咧吹
tiām-tiām tī tuì-bīn teh tshue
想對你來坦白
siūnn tuì lí lâi thán-pe̍h
敢有我的機會
kám ū guá ê ki-huē
我愛你
guá ài lí
毋是我一時會當控制
m̄-sī guá tsi̍t-sî ē-tàng khòng-tsè
我想你規暝
guá siūnn lí kui-mê
想甲頭毛攏反白
siūnn kah thâu-mn̂g lóng huán-pe̍h
我對你付出真心
guá tuì lí hù-tshut tsin-sim
袂對你講白賊話
bē tuì lí kóng pe̍h-tsha̍t-uē
愛你的人真濟
ài lí ê lâng tsin tsē
希望你看予詳細
hi-bāng lí khuànn hōo siông-sè
明知影會艱苦
bîng tsai-iánn ē kan-khóo
我袂後悔
guá buē hiō-hué
我想你規暝
guá siūnn lí kui-mê
