為愛來拖磨
《為愛來拖磨》Uī Ài Lâi Thua-buâ
雅君Ngá-kun
——————————————
無人會當了解
bô-lâng ē-tàng liáu-kái
我憂悶的心肝
guá iu-būn ê sim-kuann
為愛情忍受拖磨
uī ài-tsîng jím-siū thua-buâ
已經五年外
í-king gōo-nî guā
若是想著伊的形影
nā sī siūnn-tio̍h i ê hîng-iánn
更加心痛疼
kìng-ka sim thàng-thiànn
啊~美滿姻緣
ah~ bí-buán in-iân
既然被拆散
kì-jiân pī thiah-suànn
一切總是愛認命
it-tshè tsóng–sī ài jīn-miā
更深夜靜霜風寒
kinn tshim iā tsīng sng-hong kuânn
徘徊船頭岸
pâi-huê tsûn-thâu huānn
彼當時有人做伴
hit-tong-sî ū-lâng tsuè-phuānn
如今孤單影
jû-kim koo-tuann iánn
陣陣夜鶯悲慘哭聲
tsūn-tsūn iā-ing pi-tshám khàu-siann
催阮心痛疼
tshui gún sim thàng-thiànn
啊~真情真愛
ah~ tsin-tsîng tsin-ài
若是莫變卦
nā sī mài piàn-kuà
阮也毋免遮歹命
gún iā m̄-bián tsiah pháinn-miā
