你對不起我
《你對不起我》Lí Tuì-put-khí Guá
黃乙馗N̂g It-kuî
——————————————
離開你真毋甘
lī-khui lí tsin m̄-kam
想起你目箍就紅
siūnn-khí lí ba̍k-khoo tiō âng
過去的纏綿感情
kuè-khì ê tînn-mî kám-tsîng
好親像蝴蝶
hó-tshin-tshiūnn ôo-tia̍p
離袂開花欉
lī buē-khui hue-tsâng
如今全變成空
jû-kim tsuân piàn-sîng khang
孤單的跤步遮沉重
koo-tuann ê kha-pōo tsiah tîm-tāng
想袂到你將愛情
siūnn buē-kàu lí tsiong ài-tsîng
當做是無要無緊
tòng-tsuè sī bô-iàu-bô-kín
小小的事項
sió-sió ê sū-hāng
看別人
khuànn pa̍t-lâng
雙雙相倚談戀愛
siang-siang sio-uá tâm-luân-ài
攏嘛是輕輕鬆鬆
lóng mā sī khin-khin-sang-sang
只有我愛你愛甲
tsí-ū guá ài lí ài kah
水袂啉飯袂食
tsuí buē-lim pn̄g buē-tsia̍h
頭眩目暗
thâu-hîn-ba̍k-àm
你哪通
lí ná thang
做著一个無情的人
tsuè tio̍h tsi̍t-ê bô-tsîng ê lâng
我已經無心
guá í-king bô-sim
閣再去愛別人
koh-tsài khì ài pa̍t-lâng
你對不起我
lí tuì-put-khí guá
對不起我的真心
tuì-put-khí guá ê tsin-sim
枉費我的痴情
óng-huì guá ê tshi-tsîng
拍碎我抱的希望
phah-tshuì guá phō ê hi-bāng
愛著你
ài-tio̍h lí
若像咧做夢
ná-tshiūnn teh tsuè bāng
