黃昏之戀
《黃昏之戀》Hông-hun tsi Luân
游小鳳Iû Sió-hōng
——————————————
天頂清清滿人意
thinn-tíng tshing-tshing muá lâng-ì
你我心歡喜
lí guá sim huann-hí
情投意合唸歌詩
tsîng tâu ì ha̍p liām kua-si
遊山佮玩水
iû-sa kah uán-suí
我靠佇你的身邊
guá khò tī lí ê sin-pinn
輕聲細說
khin-siann suè-seh
糖甘蜜甜
thn̂g-kam bi̍t-tinn
放捒一切酸苦味
pàng-sak it-tshè sng-khóo-bī
迎接熱戀的日子
gîng-tsiap jia̍t-luân ê ji̍t-tsí
美麗夕陽黃昏時
bí-lē si̍k-iông hông-hun sî
你我心綿綿
lí guá sim mî-mî
山盟海誓的言語
san-bîng hái-sè ê giân-gí
毋通來袂記
m̄-thang lâi buē-kì
手牽手向前來去
tshiú khan-tshiú hiòng-tsiân lâi-khì
講著情話
kóng-tio̍h tsîng-uē
甜綿無比
tinn-mî bû-pí
你有情來我有意
lí ū-tsîng lâi guá iú-ì
永遠永遠毋分開
íng-uán íng-uán m̄ hun-khui
