陪你走天涯
《陪你走天涯》Puê Lí Tsáu Thian-gâi
寒雲Hân-hûn
——————————————
初次見面佮你來熟似
tshoo-tshù kìnn-bīn kah lí lâi si̍k-sāi
害阮戇戇墜落踮情海
hāi gún gōng-gōng tuī-lo̍h tiàm tsîng-hái
對你付出阮的情與愛
tuì lí hù-tshut gún ê tsîng í ài
望你用心對待佮關懷
bāng lí iōng-sim tuì-thāi kah kuan-huâi
感謝月老對咱的安排
kám-siā gua̍t-nóo tuì lán ê an-pâi
予咱兩人會當相意愛
hōo lán nn̄g-lâng ē-tàng sio ì-ài
因為有你的愛佮關懷
in-uī ū lí ê ài kah kuan-huâi
愛的路上毋免閣徘徊
ài ê lōo-siōng m̄-bián koh pâi-huê
我愛你情深似海
guá ài lí tsîng tshim sū-hái
毋驚環境來阻礙
m̄-kiann khuân-kíng lâi tsóo-gāi
今生願意陪你走天涯
kim-sing guān-ì puê lí tsáu thian-gâi
