等待春風
《等待春風》Tán-thāi Tshun-hong
傅振輝Pòo Tsín-hui
——————————————
想欲飛啊飛
siūnn-beh pue–ah pue
飛予懸懸看天地
pue hōo kuân-kuân khuànn thinn-tē
漂泊一生放蕩過
phiau-po̍k it-sing hòng-tōng kuè
飛袂行的今世
pue bē-kiânn ê kim-sè
未來佇佗
bī-lâi tī tueh
等無春風來吹
tán-bô tshun-hong lâi tshue
繁華世界無地揣
huân-huâ sè-kài bô-tè tshuē
想欲飛啊飛
siūnn-beh pue–ah pue
等無春風來吹
tán-bô tshun-hong lâi tshue
牽手的人
khan-tshiú ê lâng
毋知欲佗位揣
m̄-tsai beh tó-uī tshuē
想欲飛去
siūnn-beh pue khì
一个心內的春天
tsi̍t-ê sim-lāi ê tshun-thinn
春風何時來吹
tshun-hong hô-sî lâi tshue
阮親像
gún tshin-tshiūnn
等無春風的風吹
tán-bô tshun-hong ê hong-tshue
牽手的人
khan-tshiú ê lâng
放手了後怎樣飛
pàng-tshiú liáu-āu tsuánn-iūnn pue
阮親像
gún tshin-tshiūnn
等無春風的風吹
tán-bô tshun-hong ê hong-tshue
春天佇佗
tshun-thinn tī tueh
等待春風予阮飛
tán-thāi tshun-hong hōo gún pue
