生疏的城市
《生疏的城市》Tshinn-soo ê Siânn-tshī
游琦光Iû Kî-kong
——————————————
踮佇這个生疏的城市
tiàm tī tsit ê tshinn-soo ê siânn-tshī
心內感覺著
sim-lāi kám-kak tio̍h
一點仔稀微
tsi̍t-tiám-á hi-bî
冷冷的暗暝
líng-líng ê àm-mî
天星咧閃爍
thinn-tshinn teh siám-sih
親像是看著
tshin-tshiūnn sī khuànn-tio̍h
故鄉的月圓
kòo-hiong ê gue̍h-înn
一个人行在
tsi̍t-ê-lâng kiânn tsāi
霓虹燈閃爍的城市
nê-hông-ting siám-sih ê siânn-tshī
異鄉的風吹
ī-hiong ê hong tshue
想起著故鄉
siūnn-khí tio̍h kòo-hiong
夢中醒來
bāng-tiong tshínn–lâi
心內有滿腹希望
sim-lāi ū muá-pak hi-bāng
我會認真拍拚
guá ē jīn-tsin phah-piànn
繼續拍拚
kè-sio̍k phah-piànn
早日倒轉去故鄉
tsá-ji̍t tò-tńg-khì kòo-hiong
佮恁再團圓
kah lín tsài thuân-înn
