期待的花欉
《期待的花欉》Kî-thāi ê Hue-tsâng
程安Thiânn An
——————————————
相思期待的花欉
siunn-si kî-thāi ê hue-tsâng
甜蜜的夢攏仝款
tinn-bi̍t ê bāng lóng kāng-khuán
受過風吹佮雨淋
siū-kuè hong tshue kah hōo lâm
花開猶原遮爾芳
hue khui iu-guân tsiah-nī phang
離別心像刀咧割
lî-pia̍t sim tshiūnn to teh kuah
冷風吹著心畏寒
líng-hong tshue tio̍h sim uì-kuânn
只有路燈來做伴
tsí-ū lōo-ting lâi tsuè-phuānn
依依難捨囥心肝
i-i lân-siá khǹg sim-kuann
希望毋通袂記我
hi-bāng m̄-thang buē-kì guá
啊~有情人
ah~ ū-tsîng-lâng
情難忘
tsîng lân-bōng
純情夢
sûn-tsîng bāng
毋通放
m̄-thang pàng
痴情等待你一人
tshi-tsîng tán-thāi lí tsi̍t-lâng
