我是一个普通人
我是一个普通人 Demo – 曾立馨Hug Muzik | StreetVoice 街聲 – 最潮音樂社群
《我是一个普通人》Guá Sī Tsi̍t-ê Phóo-thong-lâng
曾立馨Tsan Li̍p-hing
——————————————
我是一个普通人
guá sī tsi̍t-ê phóo-thong-lâng
逐工攏忝甲
ta̍k-kang lóng thiám kah
袂振袂動
buē-tín-buē-tāng
背景無夠強
puē-kíng bô-kàu kiông
厝內序細
tshù-lāi sī-sè
攏等我照顧
lóng tán guá tsiàu-kòo
我是一个認真的人
guá sī tsi̍t-ê jīn-tsin ê lâng
想欲好好讀冊
siūnn-beh hó-hó tha̍k-tsheh
拍拚工課
phah-piànn khang-khuè
予爸母幸福
hōo pē-bú hīng-hok
逐工攏免煩惱
ta̍k-kang lóng bián huân-ló
為啥物
uī-siánn-mih
就是有人
tiō-sī ū-lâng
欲攪擾咱的生活
beh kiáu-jiáu lán ê sing-ua̍h
為啥物
uī-siánn-mih
就是有人
tiō-sī ū-lâng
欲搶奪咱的自由
beh tshiúnn-tua̍t lán ê tsū-iû
失去自由的Formosa
sit-khì tsū-iû ê Formosa
敢閣是臺灣
kám koh sī Tâi-uân
嘿~雖然歹人真濟
heh~ sui-jiân pháinn-lâng tsin tsuē
嘿~但是好人嘛袂少
heh~ tān-sī hó-lâng mā bē-tsió
嘿~需要你來相伨
heh~ su-iàu lí lâi sio-thīn
只要你相信我
tsí-iàu lí siong-sìn guá
嘿~咱袂當放棄
heh~ lán bē-tàng hòng-khì
嘿~愛為著正義
heh~ ài uī-tio̍h tsìng-gī
嘿~猶閣欠你一跤
heh~ iáu-koh khiàm lí tsi̍t-kha
只要你相信我
tsí-iàu lí siong-sìn guá
