我一定欲成功
《我一定欲成功》Guá It-tīng Beh Sîng-kong
游琦光Iû Kî-kong
——————————————
行在人生奮鬥的路上
kiânn tsāi jîn-sing hùn-tàu ê lōo-siōng
看袂著的未來
khuànn buē-tio̍h ê bī-lâi
也心迷茫
iā sim bê-bông
心情起起落落
sim-tsîng khí-khí-lo̍h-lo̍h
像波浪
tshiūnn pho-lōng
堅定意志
kian-tīng ì-tsì
伴阮向前傱
phuānn gún hiòng-tsiân tsông
毋驚命運怎安排
m̄-kiann miā-ūn tsuánn an-pâi
無論環境有偌䆀
bô-lūn khuân-kíng ū guā bái
認真骨力繼續拚
jīn-tsin kut-la̍t kè-sio̍k piànn
雲開天清見光明
hûn khui thinn tshing kìnn kong-bîng
衝衝衝
tshiong tshiong tshiong
堅定向前衝
kian-tīng hiòng-tsiân tshiong
我一定欲成功
guá it-tīng beh sîng-kong
我一定著愛贏
guá it-tīng tio̍h-ài iânn
創造日後好名聲
tshòng-tsō ji̍t-āu hó miâ-siann
