情長紙短
《情長紙短》Tsîng Tn̂g Tsuá Té
陳曉梅Tân Hiáu-muê
——————————————
兩粒心縛做伙
nn̄g-lia̍p sim pa̍k tsò-hué
親像是冬天蓋的棉襀被
tshin-tshiūnn sī tang-thinn kah ê mî-tsioh-phuē
予阮溫暖
hōo gún un-luán
予阮冬天變六月
hōo gún tang-thinn piàn la̍k–gue̍h
感謝你予阮這个家
kám-siā lí hōo gún tsit ê ke
兩个人若做伙
nn̄g-ê lâng nā tsò-hué
將心比心
tsiong-sim pí-sim
莫計較遐濟
mài kè-kàu hiah tsuē
一个進一个退
tsi̍t-ê tsìn tsi̍t-ê thè
幸福無需要歹勢
hīng-hok bô su-iàu pháinn-sè
莫予人生最後留後悔
mài hōo jîn-sing tsuè-āu lâu hiō-hué
今生有緣行同齊
kim-sing ū-iân kiânn tâng-tsê
毋管代價有偌濟
m̄-kuán tāi-kè ū guā-tsuē
毋免驚
m̄-bián kiann
時間會證明一切
sî-kan ē tsìng-bîng it-tshè
若是將阮當寶貝
nā-sī tsiong gún tòng pó-puè
阮會陪你到路尾
gún ē puê lí kàu lōo-bué
阮只恨情長紙短
gún tsí hūn tsîng tn̂g tsuá té
