古都戀情
《古都戀情》Kóo-too Luân-tsîng
游小鳳Iû Sió-hōng
——————————————
初次相逢運河邊
tshoo-tshù siong-hông ūn-hô pinn
雙人結情義
siang-lâng kiat tsîng-gī
你有情來阮有意
lí ū-tsîng–lâi gún iú-ì
永遠毋分離
íng-uán m̄ hun-lî
談情說愛到深更
tâm-tsîng sueh-ài kàu tshim-kinn
毋驚露水滴
m̄-kiann lōo-tsuí tih
約束踮在赤崁樓
iok-sok tiàm-tsāi Tshiah-khàm-lâu
做陣賞月圓
tsuè-tīn siúnn ge̍h-înn
安平港邊再見面
An-ping káng-pinn tsài kìnn-bi̍n
加添好愛情
ka-thiam hó ài-tsîng
海風吹來毋驚冷
hái-hong tshue–lâi m̄-kiann líng
愈冷情愈深
jú líng tsîng jú tshim
你講愛情有堅定
lí kóng ài-tsîng ū kian-tīng
永遠無變心
íng-uán bô piàn-sim
愛情本來是神聖
ài-tsîng pún-lâi sī sîn-sìng
恩愛過一生
un-ài kuè it-sing
