人生不容易啊
《人生不容易啊》Jîn-sing Put Iông-ī–ah
傅振輝Pòo Tsín-hui
——————————————
其實嘛無幾萬日
kî-si̍t mā bô kuí-bān ji̍t
一世人就過去
tsi̍t-sì-lâng tiō kuè–khì
用盡期待的心
iōng-tsīn kî-thāi ê sim
但願一切平安順序
tān-guān it-tshè pîng-an sūn-sī
想欲夢中的好日子
siūnn-beh bāng-tiong ê hó ji̍t-tsí
認份了命運創治
jīn-hūn liáu miā-ūn tshòng-tī
為著生活拚生死
uī-tio̍h sing-ua̍h piànn-senn-sí
無奈無望幾十年
bô-nāi bô-bāng kuí-tsa̍p nî
啊~人生不容易
ah~ jîn-sing put iông-ī
無情無義滿滿是
bô-tsîng bô-gī muá-muá-sī
規工咧硞硞傱啊
kui-kang teh kho̍k-kho̍k tsông–ah
規暝咧啉甲假死
kui-mî teh lim kah ké-sí
為著心內數想的春天
uī-tio̍h sim-lāi siàu-siūnn ê tshun-thinn
啊~人生不容易
ah~ jîn-sing put iông-ī
生老病死看予開
sinn lāu pēnn sí khuànn hōo khui
是好是䆀
sī hó sī bái
是我是你
sī guá sī lí
總有一工
tsóng ū-tsi̍t-kang
咱會永遠隨風去
lán ē íng-uán suî hong khì
咱的一生
lán ê it-sing
好不容易
hó put iông-ī
