紅紅蝴蝶
《紅紅蝴蝶》Âng-âng Ôo-tia̍p
陳秋山Tân Tshiu-san
——————————————
細漢就是歹看樣
suè-hàn tiō-sī pháinn-khuànn-iūnn
人講有破相
lâng kóng ū phuà-siùnn
紅紅蝴蝶歇面上
âng-âng ôo-tia̍p hioh bīn-siōng
毋敢見太陽
m̄-kánn kìnn thài-iông
朋友講我心善良
pîng-iú kóng guá sim siān-liông
可惜無人逐
khó-sioh bô-lâng jiok
紅紅胭脂點面上
âng-âng ian-tsi tiám bīn-siōng
緣份渺茫茫
iân-hūn biáu-bông-bông
啊~世間人有百百種
ah~ sè-kan-lâng ū pah-pah tsióng
啥人算正常
siánn-lâng sǹg tsìng-siông
毋免同情的眼光
m̄-bián tông-tsîng ê gán-kong
雖然孤單
sui-jiân koo-tuann
我心好強
guá sim hònn-kiông
啊~世間人有百百種
ah~ sè-kan-lâng ū pah-pah tsióng
啥人算正常
siánn-lâng sǹg tsìng-siông
毋免同情的眼光
m̄-bián tông-tsîng ê gán-kong
雖然孤單
sui-jiân koo-tuann
我心好強
guá sim hònn-kiông
生成毋是媠姑娘
senn-sîng m̄-sī suí koo-niû
加愛加受傷
ke ài ke siū-siong
圓圓月娘掛面上
înn-înn gue̍h-niû kuà bīn-siōng
當做是福相
tòng-tsuè sī hok-siòng
紅線彼頭在何方
âng-suànn hit-thâu tsāi hô-hong
月老無信用
gua̍t-nóo bô sìn-iōng
圓圓真珠留面上
înn-înn tsin-tsu lâu bīn-siōng
目屎做畫妝
ba̍k-sái tsuè uē-tsong
啊~世間人有百百種
ah~ sè-kan-lâng ū pah-pah tsióng
啥人來交往
siánn-lâng lâi kau-óng
可恨同情的眼光
khó-hūn tông-tsîng ê gán-kong
雖然苦楚
sui-jiân khóo-tshóo
我心倔強
guá sim ku̍t-kiông
啊~世間人有百百種
ah~ sè-kan-lâng ū pah-pah tsióng
啥人來交往
siánn-lâng lâi kau-óng
可恨同情的眼光
khó-hūn tông-tsîng ê gán-kong
雖然苦楚
sui-jiân khóo-tshóo
我心倔強
guá sim ku̍t-kiông
啊~世間人有百百種
ah~ sè-kan-lâng ū pah-pah tsióng
啥人算正常
siánn-lâng sǹg tsìng-siông
毋免同情的眼光
m̄-bián tông-tsîng ê gán-kong
雖然孤單
sui-jiân koo-tuann
我心好強
guá sim hònn-kiông
啊~世間人有百百種
ah~ sè-kan-lâng ū pah-pah tsióng
啥人來交往
siánn-lâng lâi kau-óng
可恨同情的眼光
khó-hūn tông-tsîng ê gán-kong
雖然苦楚
sui-jiân khóo-tshóo
我心倔強
guá sim ku̍t-kiông
