現代女性
《現代女性》Hiān-tāi Lú-sìng
陳美伶Tân Bí-lîng
——————————————
每日打扮媠噹噹
muí-ji̍t tánn-pān suí-tang-tang
氣質高尚真迷人
khì-tsit ko-sióng tsin bê-lâng
雖然表面真輕鬆
sui-jiân piáu-bīn tsin khin-sang
有時也會心茫茫
ū sî iā ē sim bâng-bâng
現代女性真活動
hiān-tāi lú-sìng tsin ua̍h-tāng
新的思想無仝款
sin ê su-sióng bô kāng-khuán
追求愛情不平凡
tui-kiû ài-tsîng put pîng-huân
為著前途走西東
uī-tio̍h tsiân-tôo tsáu se-tang
溫柔是阮的本性
un-jiû sī gún ê pún-sìng
也有拍拚的本領
iā ū phah-piànn ê pún-líng
人生難免有風湧
jîn-sing lân-bián ū hong-íng
遭遇好䆀免傷心
tso-gū hó-bái bián siong-sim
新時代的女性
sin sî-tāi ê lú-sìng
士農工商
sū-lông kang-siong
人人歡迎
lâng-lâng huan-gîng
提出勇氣向前進
the̍h tshut ióng-khì hiòng-tsiân tsìn
女性猶原有功名
lú-sìng iu-guân ū kong-bîng
