我願意
《我願意》Guá Guān-ì
陳茂豐Tân Bōo-hong
——————————————
愛人啊
ài-jîn–ah
請你予我來完成
tshiánn lí hōo guá lâi uân-sîng
陪你行過
puê lí kiânn kuè
咱燦爛的日子的風景
lán tshàn-lān ê ji̍t-tsí ê hong-kíng
愛人啊
ài-jîn–ah
愛你愛到來生
ài lí ài kàu lâi-sing
就算欲付出我的一切
tiō-sǹg beh hù-tshut guá ê it-tshè
攏嘛肯
lóng-mā khíng
想著你的心情
siūnn-tio̍h lí ê sim-tsîng
親像雲開月明
tshin-tshiūnn hûn khui gue̍h bîng
美妙的音樂
bí-miāu ê im-ga̍k
祝福咱心心相映
tsiok-hok lán sim-sim siong-ìng
我願意
guá guān-ì
我願意陪你一生
guá guān-ì puê lí it-sing
心甘情願為你犧牲
sim kam tsîng guān uī lí hi-sing
用我的性命
iōng guá ê sìnn-miā
對你做一个愛情的保證
tuì lí tsuè tsi̍t-ê ài-tsîng ê pó-tsìng
我願意
guá guān-ì
我願意疼你一生
guá guān-ì thiànn lí it-sing
愛你的心遮爾堅定
ài lí ê sim tsiah-nī kian-tīng
踮這个世間上
tiàm tsit ê sè-kan-siōng
無人比我的愛較深
bô-lâng pí guá ê ài khah tshim
請相信
tshiánn siong-sìn
毋免誓言證明
m̄-bián sè-giân tsìng-bîng
我是你
guá sī lí
苦苦走揣追求的真情
khóo-khóo tsáu-tshuē tui-kiû ê tsin-tsîng
