做伙一世人
《做伙一世人》Tsò-hué Tsi̍t-sì-lâng
陳瑞紅Tân Suī-hông
——————————————
滿山春色好景緻
muá-suann tshun-sik hó kíng-tì
有你陪踮阮身邊
ū lí puê tiàm gún sin-pinn
珍惜青春少年時
tin-sioh tshing-tshun siàu-liân-sî
花開美麗獻芳味
hue khui bí-lē hiàn phang-bī
蝴蝶採花飛相隨
ôo-tia̍p tshái-hue pue sio-suî
規群鳥隻唸歌詩
kui-kûn tsiáu-tsiah liām-kua-si
受過風雨的摧殘
siū-kuè hong-hōo ê tshui-tshân
花開猶原遐爾芳
hue khui iu-guân hiah-nī phang
甜蜜的夢攏仝款
tinn-bi̍t ê bāng lóng kāng-khuán
惜花愛花連花欉
sioh hue ài hue liân hue-tsâng
希望毋通將阮放
hi-bāng m̄-thang tsiong gún pàng
今生做伙一世人
kim-sing tsò-hué tsi̍t-sì-lâng
