魩仔魚
《魩仔魚》But-á-hî
陳昇Tân Sing
新寶島康樂隊Sin Pó-tó Khong-lo̍k-tuī
——————————————
海上的男兒
hái-siōng ê lâm-jî
充滿著飄撇的查埔味
tshiong-buán tio̍h phiau-phiat ê tsa-poo bī
有時陣嘛真鐵齒
ū-sî-tsūn mā tsin thih-khí
萬項是不得已
bān-hāng sī put-tik-í
當時我對你來咒誓
tong-sî guá tuì lí lâi tsiù-tsuā
船若入港就欲來共你娶
tsûn nā ji̍p-káng tō beh lâi kā lí tshuā
海上的波浪是不得已
hái-siōng ê pho-lōng sī put-tik-í
耽誤你的青春我真該死
tam-gōo lí ê tshing-tshun guá tsin kai-sí
我都毋是一尾魩仔魚
guá to m̄-sī tsi̍t-bué but-á-hî
命運遮稀微
miā-ūn tsiah hi-bî
按怎會予你來看袂起
án-tsuánn ē hōo lí lâi khuànn-buē-khí
敢是媽祖宮起毋著面
kám-sī Má-tsóo-king khí m̄-tio̍h bīn
我是頭大面四方
guá sī thâu tuā bīn sù-hong
肚大是居財王
tóo tuā sī ki tsâi-ông
阮照三頓予你Line
guán tsiàu sann tǹg hōo lí Line
毋知你這馬佇佗位
m̄-tsai lí tsit-má tī tó-uī
港邊的女兒
káng-pinn ê lú-jî
充滿著芳芳的查某味
tshiong-buán tio̍h phang-phang ê tsa-bóo bī
嘛有抹粉點胭脂
mā ū buah-hún tiám ian-tsi
予阮心頭笑咪咪
hōo guán sim-thâu tshiò bi-bi
當時阮對你哪有咒誓
tong-sî guán tuì lí–nah ū tsiù-tsuā
嫁予我
kè hōo guá
保證你會四序
pó-tsìng lí ē sù-sī
海上的波浪
hái-siōng ê pho-lōng
是不得已
sī put-tik-í
耽誤你的青春
tam-gōo lí ê tshing-tshun
我真該死
guá tsin kai-sí
我毋是一个衰尾道人
guá m̄-sī tsi̍t-ê sue-bué-tō-jîn
命運誠悲哀
miā-ūn tsiânn pi-ai
厝邊隔壁講甲真歹聽
tshù-pinn keh-piah kóng kah tsin pháinn-thiann
講你倒貼欲食幼齒
kóng lí tò-thiap beh tsia̍h iù-khí
我家己有照鏡
guá ka-kī ū tsiò-kiànn
我感覺真古錐
guá kám-kak tsin kóo-tsui
為何哪彼齒的遮卑鄙
uī-hô–nah hit-khí–ê tsiah pi-phí
私奇捾咧做人走
sai-khia kuānn–leh tsuè lâng tsáu
初一十五予你歹
tshue-it tsa̍p-gōo hōo lí pháinn
路的拄著你就知
lōo–ê tú–tio̍h lí tō tsai
烏狗痟狂咧歕雞胿
oo-káu siáu-kông teh pûn-ke-kui
這種跤數你嘛捽會落去
tsit-tsióng kha-siàu lí mā sut ē lo̍h-khì
當時我對你有咒誓
tong-sî guá tuì lí ū tsiù-tsuā
嫁予我
kè hōo guá
保證你會四序
pó-tsìng lí ē sù-sī
海上的波浪
hái-siōng ê pho-lōng
是不得已
sī put-tik-í
耽誤你的青春
tam-gōo lí ê tshing-tshun
我真該死
guá tsin kai-sí
魩仔魚啊魩仔魚
but-á-hî–ah but-á-hî
太平洋啊大無邊
Thài-pîng-iûnn–ah tuā bô-pinn
咱毋通予人看袂起
lán m̄-thang hōo-lâng khuànn-buē-khí
小卒仔嘛會出頭天
sió tsut-á mā ē tshut-thâu-thinn
