阿花飼豬囝
《阿花飼豬囝》A-hua Tshī Ti-kiánn
陳金浪Tân Kim-lōng(新加坡)
——————————————
對面菜園有一个阿花
tuì-bīn tshài-hn̂g ū tsi̍t-ê A-hua
透早起來就欲飼豬囝
thàu-tsá khí-lâi tsiū beh tshī ti-kiánn
豬母生豬囝有十外隻啊
ti-bó sinn ti-kiánn ū tsa̍p-guā tsiah–ah
阿花你底時欲生囝
A-hua lí tī-sî beh sinn-kiánn
阿花阿花假使你生囝
A-hua A-hua ká-sú lí sinn-kiánn
千萬毋通袂記將我請
tshian-bān m̄-thang buē-kì tsiong guá tshiánn
自細我佮你徛佇隔壁啊
tsū-suè guá kah lí khiā tī keh-piah–ah
你若敢小妹我是兄
lí ná-kánn sió-muē guá sī hiann
阿花阿花我一个講笑話
A-hua A-hua guá tsi̍t-ê kóng tshiò-uē
請你原諒毋通受氣我
tshiánn lí guân-liōng m̄-thang siū-khì guá
