良心
《良心》Liông-sim
陳盈潔Tân Îng-kiat
——————————————
想我一生
siūnn guá it-sing
受盡了
siū-tsīn liáu
種種的酸甘苦味
tsióng-tsióng ê sng-kam khóo-bī
一場愛情
tsi̍t-tiûnn ài-tsîng
予阮落魄閣失意
hōo gún lo̍k-phik koh sit-ì
我無怨嘆別人
guá bô uàn-thàn pa̍t-lâng
只是怨恨自己
tsí-sī uàn-hūn tsū-kí
為按怎攏看袂清
uī án-tsuánn lóng khuànn buē-tshing
人生的虛偽
jîn-sing ê hi-guī
遐濟年來
hiah tsuē nî lâi
外人看阮表面
guā-lâng khuànn gún piáu-bīn
是真堅強
sī tsin kian-kiông
為著環境
uī-tio̍h khuân-kíng
逐工愛裝著笑容
ta̍k-kang ài tsng tio̍h tshiò-iông
啥人會了解啦
siánn-lâng ē liáu-kái–lah
背後心酸苦衷
puē-āu sim-sng khóo-thiong
阮滿腹的心酸
gún muá-pak ê sim-sng
啥人來體諒
siánn-lâng lâi thé-liōng
現實的人生
hiān-si̍t ê jîn-sing
是如此冷冰冰
sī jû-tshú líng ping-ping
一擺閣一擺
tsi̍t-pái koh tsi̍t-pái
跋落烏暗的深坑
pua̍h-lo̍h oo-àm ê tshim-khinn
叫天天袂靈
kiò thinn thinn buē lîng
叫地地不應
kiò tē tē put ìng
有啥人會當來同情
ū siánn-lâng ē-tàng lâi tông-tsîng
命運對阮來講
miā-ūn tuì gún lâi kóng
是如此殘忍
sī jû-tshú tsân-jím
一遍閣一遍
tsi̍t-piàn koh tsi̍t-piàn
予人來傷甲遮爾深
hōo-lâng lâi siong kah tsiah-nī tshim
越頭看過去
ua̍t-thâu khuànn kuè-khì
是別人太絕情
sī pa̍t-lâng thài tsua̍t-tsîng
阮對得起自己的良心
gún tuì tit-khí tsū-kí ê liông-sim
