查某人的夢
《查某人的夢》Tsa-bóo-lâng ê Bāng
陳昇Tân Sing
新寶島康樂隊 Sin Pó-tó Khong-lo̍k-tuī
——————————————
清風吹過
tshing-hong tshue–kuè
落葉飛入窗
lo̍h-hio̍h pue ji̍p-thang
孤守空夜房
koo-siú khang iā-pâng
心內思念
sim-lāi su-liām
為君仔伊一人
uī kun–á i tsi̍t-lâng
希望有人來疼痛
hi-bāng ū-lâng lâi thiànn-thàng
人海茫茫
jîn-hái bâng-bâng
毋知問啥人
m̄-tsai mn̄g siánn-lâng
只有等啊等
tsí-ū tán–ah tán
堅強女人
kian-kiông lú-jîn
為著一个夢
uī-tio̍h tsi̍t-ê bāng
一生幸福為一人
it-sing hīng-hok uī tsi̍t-lâng
祕密花園一欉白牡丹
pì-bi̍t hue-hn̂g tsi̍t-tsâng pe̍h-bóo-tan
已經花開三秋冬
í-king hue khui sann tshiu-tang
人講花開就有採花蜂
lâng kóng hue khui tiō ū tshái-hue-phang
女人的青春毋等人
lú-jîn ê tshing-tshun m̄ tán lâng
月娘笑阮等待無彩工
gue̍h-niû tshiò gún tán-thāi bô-tshái-kang
堅心毋願放
kian-sim m̄-guān pàng
願做蝴蝶毋驚風雨淋
guān tsuè ôo-tia̍p m̄-kiann hong-hōo lâm
展翼飛向你的人
tián-si̍t pue hiòng lí ê lâng
—
展翼飛向你的人
tián-si̍t pue hiòng lí ê lâng
