慼心
《慼心》Tsheh-sim
陳昇Tân Sing
新寶島康樂隊 Sin Pó-tó Khong-lo̍k-tuī
——————————————
巷仔口的阿財
hāng-á-kháu ê A-tsâi
雄雄貼出一張告示牌
hiông-hiông tah tshut tsi̍t-tiunn kò-sī-pâi
聽講
thiann-kóng i
頭的看社會毋是勢
thâu–ê khuànn siā-huē m̄-sī-sè
款款咧欲撚去庄跤學種花
khuán-khuán-eh beh lián khì tsng-kha o̍h tsìng-hue
彼時阿共的飛機
hit-sî A-kiōng ê hui-ki
一工到暗咧頭頂踅
tsi̍t-kang kah-àm teh thâu-tíng se̍h
看袂著的病害
khuànn buē-tio̍h ê pēnn-hāi
湠甲滿四界
thuànn kah muá-sì-kuè
阿財已經食到七十外
A-tsâi í-king tsia̍h kah tshit-tsa̍p-guā
定定想無這个世間
tiānn-tiānn siūnn-bô tsit ê sè-kan
哪會變按呢
ná ē piàn án-ne
伊講少年的你
i kóng siàu-liân ê lí
敢有捌想過
kám ū bat siūnn–kuè
這个世間媠媠
tsit ê sè-kan suí-suí
早慢攏是恁的
tsá-bān lóng-sī lín ê
曷是愛情有啥物不滿
ia̍h m̄-sī ài-tsîng ū siánn-mih put-buán
規氣來慼心
kui-khì lâi tsheh-sim
現代人
hiān-tāi ê lâng
攏活咧稀微的電腦內底
lóng ua̍h teh hi-bî ê tiān-náu lāi-tué
我佮阮阿母
guá kah gún a-bú
你應該有看過
lí ing-kai ū khuànn–kuè
透早上班的時陣
thàu-tsá siōng-pan ê sî-tsūn
佇咧路的賣玉蘭花
tī-leh lōo–ê bē gio̍k-lân-hue
看著媠姑娘仔
khuànn-tio̍h suí koo-niû-á
阮嘛會歹勢
gún mā ē pháinn-sè
只是人坐咧車內底
tsí-sī lâng tsē teh tshia lāi-té
阮哪敢想遮濟
gún ná kánn siūnn tsiah tsuē
放浪的人生
hòng-lōng ê jîn-sing
可比一蕊花
khó-pí tsi̍t-luí hue
到暗頭的時陣
kah àm-thâu-á ê sî-tsūn
嘛攏愛蔫
mā lóng ài lian
萬百種的角色
bān-pah tsióng ê kak-sik
阮攏捌看過
gún lóng bat khuànn–kuè
啊董的買花就買花
ah táng–ê bé hue tō bé hue
你嘛毋通共阮詼
lí mā m̄-thang kā gún khue
米酒頭仔是我所愛的
bí-tsiú-thâu-á sī guá sóo ài–ê
勝過一切
sìng-kuè it-tshè
麥當勞的燒氣
be̍h-tang-lô ê sio-khì
我毋免蓋棉被
guá m̄-bián kah mî-phuē
啊紙箱仔舒咧
ah tsuá-siunn-á tshu–leh
是我的客廳
sī guá ê kheh-thiann
你當我痟的
lí tòng guá siáu–ê
我看你是神經病
guá khuànn lí sī sîn-king-pēnn
出社會的時陣
tshut-siā-huē ê sî-tsūn
我嘛有規腹火
guá mā ū kui-pak hué
只是金光閃閃的頭人
tsí-sī kim-kong siám-siám ê thâu-lâng
都毋是咱的
to m̄-sī lán ê
我無欲勸你骨力
guá bô beh khǹg lí kut-la̍t
講遐有的無的
kóng hia ū–ê-bô–ê
你明明嘛知影
lí bîng-bîng mā tsai-iánn
這个世間無真正的公平
tsit ê sè-kan bô tsin-tsiànn ê kong-pênn
阿喜仔駛伊的大車
A-hí–á sái i ê tuā-tshia
逐工快樂咧街頭玲瑯踅
ta̍k-kang khuài-lo̍k teh ke-thâu lin-long-se̍h
伊講世間的煩惱莫囤遮濟
i kóng sè-kan ê huân-ló mài tún tsiah tsuē
心情若䆀
sim-tsîng nā bái
我教你來歕鼓吹
guá kà lí lâi pûn-kóo-tshue
咱的一工
lán ê tsi̍t-kang
長長又短短
tn̂g-tn̂g iū té-té
看你家己是頂真
khuànn lí ka-tī sī tíng-tsin
抑是馬西馬西
a̍h-sī má-se-má-se
我毋是食傷飽咧勸世
guá m̄-sī tsia̍h siunn pá teh khuàn-sè
人生可比一蕊花
jîn-sing khó-pí tsi̍t-luí hue
浪子的悲歌你聽蓋濟
lōng-tsú ê pi-kua lí thiann kài tsuē
有人慼心有人拍抐涼
ū-lâng tsheh-sim ū-lâng phah-lā-liâng
毋管你失志抑是講笑詼
m̄-kuán lí sit-tsì ia̍h-sī kóng-tshiò-khue
咱的青春一陣風
lán ê tshing-tshun tsi̍t-tsūn hong
唀就過
siú tō kuè
浪子的悲歌你聽蓋濟
lōng-tsú ê pi-kua lí thiann kài tsuē
有人慼心有人凊彩過
ū-lâng tsheh-sim ū-lâng tshìn-tshái kuè
毋管你是痟的
m̄-kuán lí sī siáu–ê
抑是流浪的人
a̍h-sī liû-lōng ê lâng
攏捌佇路的拄過
lóng bat tī lōo–ê tú–kuè
流去我青春的卑南溪
lâu-khì guá tshing-tshun ê Pi-lâm-khue
悲傷的阿朗壹
pi-siong ê Alângyī
故鄉的山河真正媠
kòo-hiong ê san-hô tsin-tsiànn suí
阮的犧牲從來無反悔
guán ê hi-sing tsiông-lâi bô huán-hué
太平洋的藍天
Thài-phîng-iûnn ê nâ-thinn
是阮的斷腸詩
sī guán ê tuān-tn̂g-si
只是我永遠袂當轉來去
tsí-sī guá íng-uán buētàng tńg–lâi-khì
親愛的
tshin-ài–ê
我日日夜夜想著你
guá ji̍t-ji̍t-iā-iā siūnn-tio̍h lí
咱慼心後世人才來相揣
lán tsheh-sim āu-sì-lâng tsiah lâi sio-tshuē
