愛人在杭州
《愛人在杭州》Ài-jîn Tsāi Hâng-tsiu
陳昇Tân Sing
新寶島康樂隊Sin Pó-tó Khong-lo̍k-tuī
——————————————
仝一跤舊皮箱
kāng tsi̍t-kha kū phuê-siunn
揹一台新的電腦
phāinn tsi̍t-tâi sin ê tiān-náu
抹油的海結仔頭
buah-iû ê hái-kat-á-thâu
拚經濟愛趁少年
piànn king-tsè ài thàn siàu-liân
尾班的噴射機
bué-pan ê phùn-siā-ki
飛過咱美麗的海岸
pue kuè lán bí-lē ê hái-huānn
故鄉人笑阮戇
kòo-hiong-lâng tshiò gún gōng
是兩岸的吉普賽
sī lióng-huānn ê jì-pú-sih
阮帶著滿腹的希望
guán tuà tio̍h muá-pak ê hi-bāng
離開阮所愛的都市
lī-khui gún sóo ài ê too-tshī
講到阮對你的苦戀
kóng kah gún tuì lí ê khóo-luân
拍算是姻緣天註定
phah-sǹg sī in-iân thinn tsù-tiānn
啊~海上的波浪
ah~ hái-siōng ê pho-lōng
嘛袂當阻礙阮的思慕
mā buē-tàng tsóo-gāi guán ê su-bōo
只驚是日日夜夜
tsí kiann sī ji̍t-ji̍t-iā-iā
三頓攏無心情
sann-tǹg lóng bô-sim-tsiânn
充滿著你的形影
tshiong-buán tio̍h lí ê hîng-iánn
再會啦心愛的人
tsài-huē–lah sim-ài ê lâng
無聊的政治你毋免驚
bô-liâu ê tsìng-tī lí m̄-bián kiann
海峽洶湧的波浪
hái-kiap hiong-ióng ê pho-lōng
嘛袂當阻擋我的愛
mā buē-tàng tsóo-tòng guá ê ài
尾班的噴射機
bué-pan ê phùn-siā-ki
你欲載阮去佗位
lí beh tsài guán khì tó-uī
再會啦播音員
tsài-huē–lah pòo-im-uân
再會啦苦戀的都市
tsài-huē–lah khóo-luân ê too-tshī
想起你的笑容
siūnn-khí lí ê tshiò-iông
想起你甜蜜的話語
siūnn-khí lí tinn-bi̍t ê uē-gú
阮暫時愛離開
guán tsiām-sî ài lī-khui
原諒我是不得已
guân-liōng guá sī put-tik-í
阮帶著滿腹的希望
guán tuà tio̍h muá-pak ê hi-bāng
來到這个美麗的城市
lâi kàu tsit ê bí-lē ê siânn-tshī
因為你
in-uī lí
阮較佮意
gún khah kah-ì
千里的姻緣天註定
tshian-lí ê in-iân thinn tsù-tiānn
按怎哪會按呢生
án-tsuánn ná ē án-ní-senn
著愛照三頓
tio̍h-ài tsiàu-sann-tǹg
來拜請我的手機仔
lâi pài-tshiánn guá ê tshiú-ki-á
再會啦心愛的人
tsài-huē–lah sim-ài ê lâng
無聊的政治你毋免驚
bô-liâu ê tsìng-tī lí m̄-bián kiann
海峽洶湧的波浪
hái-kiap hiong-ióng ê pho-lōng
嘛無法度阻擋我的愛
mā bô-huat-tōo tsóo-tòng guá ê ài
西方有摩西
se-hong ū Môo-se
聽講伊會當開大海
thiann-kóng i ē-tàng khui tāi-hái
東風馬西馬西
tang-hong má-se-má-se
我的愛人仔
guá ê ài-jîn-á
踮杭州
tiàm Hâng-tsiu
吁~我的愛人仔
uh~ guá ê ài-jîn-á
踮杭州
tiàm Hâng-tsiu
吁~我的愛人仔
uh~ guá ê ài-jîn-á
踮杭州
tiàm Hâng-tsiu
