午夜狂奔
《午夜狂奔》Ngóo-iā Kông-phun
陳昇Tân Sing
新寶島康樂隊 Sin Pó-tó Khong-lo̍k-tuī
——————————————
你較閃咧
lí khah siám–leh
好朋友
hǎopéngyǒu
阮這隻車
gún tsit tsiah tshia
這馬是捎咧弄
tsit-má sī sa leh lāng
人是弄龍弄獅練舞功
lâng sī lāng-lîng lāng-sai liān bú-kong
阮是頭殼燒燒𢯾咧腫
guán sī thâu-khak sio-sio mooh teh zhǒng
我較早嘛是一尾龍
guá khah-tsá mā-sī tsi̍t-bué lîng
雲遊四海滿面春風
hûn-iû sù-hái muá-bīn tshun-hong
只是這馬輪框煞無風
tsí-sī tsit-má lián-khing suah bô hong
規氣激痟痟較妥當
kui-khì kik siáu-siáu khah thò-tòng
海邊仔有一間聯合國
hái-pinn-á ū tsi̍t-king liân-ha̍p-kok
阮佇遐跳舞唸歌真快樂
guán tī hia thiàu-bú liām-kua tsin khuài-lo̍k
臺灣錢淹跤目彼的時陣啊
Tâi-uân tsînn im kha-ba̍k hit ê sî-tsūn–ah
全世界攏叫我恩公
tsuân sè-kài lóng kiò guá un-kong
司機啊你敢有聽見
su-ki–ah lí kám ū thiann–kìnn
窗仔你著閣共搖一下
thang-á lí to̍h koh kā iô–tsi̍t-ē
若有人欲愛錢
nā ū-lâng beh-ài tsînn
錢就捎咧掖
tsînn tiō sa leh iā
捎咧掖
sa leh iā
捎咧掖
sa leh iā
喲咿喲咿喲咿喲咿欸
iooh-ih iooh-ih iooh-ih iooh-ih-eh
世間無愛情
sè-kan bô ài-tsîng
世間無愛的意義
sè-kan bô ài ê ì-gī
聽人講
thiann lâng kóng
你對阮隔壁國的草紙
lí tuì guán keh-piah-kok ê tsháu-tsuá
真佮意
tsin kah-ì
臺灣無𠢕人
Tâi-uân bô gâu-lâng
我是無啥物通好抗議
guá sī bô-sánn-mih thang-hó khòng-gī
我家己轉去照鏡
guá ka-tī tńg-khì tsiò-kiànn
看看我嘛會知影
khuànn-khuànn guá mā ē tsai-iánn
你較閃咧
lí khah siám–leh
好朋友
hǎopéngyǒu
我這隻車
guá tsit tsiah tshia
定定咧換司機
tiānn leh uānn su-ki
換來換去
uānn-lâi-uānn-khì
攏咧開錢
lóng leh khai-tsînn
無錢就停咧路邊哈唏
bô tsînn tiō thîng teh lōo-pinn hah-hì
世間親像危險烏暗暝
sè-kan tshan-tshiūnn guî-hiám oo-àm-mî
按怎阮的司機
án-nuá guán ê su-ki
天才變白痴
thian-tsâi piàn pe̍h-tshi
欲去佗位完全無主意
beh khì tó-uī uân-tsuân bô tsú-ì
定定害我挵甲烏白青
tiānn-tiānn hāi guá lòng kah oo-pe̍h-tshinn
若講著烏白青
nā kóng-tio̍h oo-pe̍h-tshinn
阮就真厭氣
guán tō tsin iàn-khì
四年一擺欲閣換司機
sì nî tsi̍t-pái beh koh uānn su-ki
聽講𠢕人著叫PPP
thiann-kóng gâu-lâng tio̍h kiò PPP
不如選予阿姊來BBB
put-jû suán hōo a-tsí lâi BBB
這馬閣來一个新司機
tsit-má koh lâi tsi̍t-ê sin su-ki
伊講伊的酒量真好
i kóng i ê tsiú-liōng tsin hó
三千杯袂醉
sann-tshing pue bē tsuì
但是伊毋捌去過聯合國
tān-sī i m̄-bat khì kuè liân-ha̍p-kok
半暝仔痟狂
puànn-mî-á siáu kông
欲載我去佗位
beh tsài guá khì tó-uī
啥物是愛情
siánn-mih sī ài-tsîng
啥物是愛的意義
siánn-mih sī ài ê ì-gī
聽人講
thiann lâng kóng
你佮阮厝邊彼个痟人真有佮意
lí kah guán tshù-pinn hit ê siáu-lâng tsin ū kah-ì
臺灣無𠢕人
Tâi-uân bô gâu-lâng
我是無啥物通好抗議
guá sī bô-siánn-mih thang-hó khòng-gī
但是阮無痟到方向盤捎咧
tān-sī guán bô siáu kah hong-hiòng-puânn sa–leh
講you shall trust me
kóng you shall trust me
若聽著錢仔聲
nā thiann-tio̍h tsînn-á siann
阮的心情就快活
guán ê sim-tsîng tiō khuìnn-ua̍h
搖動不情願的尻川花
iô-tāng put-tsîng-guān ê kha-tshng hue
心情誠快活
sim-tsîng tsiânn khuìnn-ua̍h
啥物是愛情
siánn-mih sī ài-tsîng
啥物是愛的意義
siánn-mih sī ài ê ì-gī
世間無愛情
sè-kan bô ài-tsîng
世間無愛的意義
sè-kan bô ài ê ì-gī
你較閃咧
lí khah siám–leh
好朋友
hǎopéngyǒu
我強欲掠狂
guá kiông-beh lia̍h-kông
你較閃咧
lí khah siám–leh
好朋友
hǎopéngyǒu
