你敢會佇遐等我
《你敢會佇遐等我》Lí Kám Ē Tī Hia Tán Guá
陳怡婷Tân Î-tîng
——————————————
毋知佇啥物時陣
m̄-tsai tī siánn-mih sî-tsūn
對你開始有期待
tuì lí khai-sí ū kî-thāi
想欲問
siūnn-beh mn̄g
你對阮
lí tuì gún
敢有仝款的情愛
kám ū kāng-khuán ê tsîng-ài
誰知命運阻礙
siáng tsai miā-ūn tsóo-gāi
只好由天安排
tsí-hó iû thinn an-pâi
心所愛
sim sóo ài
毋敢對你講出來
m̄-kánn tuì lí kóng–tshut-lâi
毋知佇啥物時陣
m̄-tsai tī siánn-mih sî-tsūn
對你不再有期待
tuì lí put-tsài ū kî-thāi
想欲問
siūnn-beh mn̄g
你對阮
lí tuì gún
敢是已經無情愛
kám-sī í-king bô tsîng-ài
明知命運阻礙
bîng-tsai miā-ūn tsóo-gāi
毋願由天安排
m̄-guān iû thinn an-pâi
心所愛
sim sóo ài
大聲對你講出來
tuā-siann tuì lí kóng–tshut-lâi
上早彼幫的火車
siōng-tsá hit pang ê hué-tshia
載著痴情人到遮
tsài tio̍h tshi-tsîng-lâng kàu tsia
攑頭看
gia̍h-thâu khuànn
想欲走揣兩人的咒誓
siūnn-beh tsáu-tshuē nn̄g-lâng ê tsiù-tsuā
為何會無影無跡
uī-hô ē bô-iánn-bô-tsiah
最後彼幫的火車
tsuè-āu hit pang ê hué-tshia
只賰傷心人佇遮
tsí tshun siong-sim-lâng tī tsia
越頭看
ua̍t-thâu khuànn
想欲轉去佮你相依倚
siūnn-beh tńg-khì kah lí sio-i-uá
未來變按怎
bī-lâi piàn án-tsuánn
你敢會佇遐等我
lí kám ē tī hia tán guá
