漂浪的情歌
《漂浪的情歌》Phiau-lōng ê Tsîng-kua
許峻榮Khóo Tsùn-îng
——————————————
拖著沉重的行李
thua tio̍h tîm-tāng ê hîng-lí
欲行心又疼
bueh kiânn sim iū thiànn
港邊的船螺
káng-pinn ê tsûn-lê
已經霆三聲
í-king tân sann-siann
也無人來相送
iā bô-lâng lâi sio-sàng
無人叫阮的名
bô-lâng kiò gún ê miâ
阮若像感情的流浪者
gún ná-tshiūnn kám-tsîng ê liû-lōng-tsiá
載著一粒心
tsài tio̍h tsi̍t-lia̍p sim
將你的愛貯滿
tsiong lí ê ài té muá
你我的戀情
lí guá ê luân-tsîng
已經三年外
í-king sann-nî guā
毋甘是這段情
m̄-kam sī tsit tuānn tsîng
遮輕鬆就看破
tsiah khin-sang tiō khuànn-phuà
咱若像一對鴛鴦
lán ná-tshiūnn tsi̍t-tuì uan-iunn
變水鴨
piàn tsuí-ah
漂浪的情歌
phiau-lōng ê tsîng-kua
唱我感情的心聲
tshiùnn guá kám-tsîng ê sim-siann
你講欲家己行
lí kóng beh ka-kī kiânn
我也無怨啥
guá iā bô uàn siánn
雖然這粒心
sui-jiân tsit lia̍p sim
依依難捨
i-i lân-siá
漂浪的情歌
phiau-lōng ê tsîng-kua
唱我滿腹的心疼
tshiùnn guá muá-pak ê sim thiànn
甘願這條路
kam-guān tsit tiâu lōo
無依無倚
bô-i bô-uá
天地只賰孤單
thinn-tē tsí tshun koo-tuann
