愛情的過路人
《愛情的過路人》Ài-tsîng ê Kuè-lōo-lâng
陳瑞洪Tân Suī-hông(陳中)
——————————————
今夜猶原
kim-iā iu-guân
醉在孤單的夢
tsuì tsāi koo-tuann ê bāng
夢醒胸坎邊揣無人
bāng-tshínn hing-khám pinn tshuē-bô lâng
約束的彼一工
iok-sok ê hit-tsi̍t-kang
你哪無來相送
lí ná bô lâi sio-sàng
害阮流浪幾若冬
hāi gún liû-lōng kuí-lō tang
月娘冷冷照樓窗
gue̍h-niû líng-líng tsiò lâu-thang
他鄉的露水已經凍
thann-hiong ê lōo-tsuí í-king tàng
何時窗外的日頭
hô-sî thang-guā ê ji̍t-thâu
才會紅
tsiah ē âng
孤單為你做眠夢
koo-tuann uī lí tsuè bîn-bāng
夢三年五冬攏無望
bāng sann-nî gōo-tang lóng bô-bāng
阮敢是你愛情的過路人
gún kám-sī lí ài-tsîng ê kuè-lōo-lâng
