北港媽祖
《北港媽祖》Pak-káng Má-tsóo
許惠華Khóo Huī-huâ
李偉新Lí Uí-sin
王寶環Ông Pó-huân
——————————————
媽祖慈悲護眾生
Má-tsóo tsû-pi hōo tsiòng-sing
–
北港媽祖
Pak-káng Má-tsóo
香火通四海
hiunn-hué thong sù-hái
千里眼
Tshian-lí-gán
順風耳
Sūn-hong-ní
先鋒二將軍
sian-hong jī tsiong-kun
廟埕鑼鼓鬧熱聲
biō-tiânn lô-kóo lāu-jia̍t siann
陣頭藝閣遊街巷
tīn-thâu gē-koh iû ke-hāng
各地香客來參拜
kok-tē hiunn-kheh lâi tsham-pài
誠心誠意求平安
sîng-sim sîng-ì kiû pîng-an
媽祖慈悲護航顯神威
Má-tsóo tsû-pi hōo-hâng hián sîn ui
風雨中的燈塔
hong-ú-tiong ê ting-thah
烏暗中的光線
oo-àm-tiong ê kng-suànn
男女老幼
lâm-lú nóo-iù
相招來參拜
sio-tsio lâi tsham-pài
媽祖保庇世間無苦疼
Má-tsóo pó-pì sè-kan bô khóo-thiànn
北港溪水掣掣流
Pak-káng-khe tsuí tshuah-tshuah lâu
媽祖保庇咱鄉里
Má-tsóo pó-pì lán hiong-lí
一蕊心香一片願
tsi̍t-luí sim-hiunn tsi̍t-phìnn guān
代代香火來相傳
tāi-tāi hiunn-hué lâi siong-thuân
無論海內抑海外
bô-lūn hái-lāi ia̍h hái-guā
萬眾攏來拜
bān-tsiòng lóng lâi pài
香火鼎盛
hiunn-hué tíng-sīng
分靈在世間
hun-lîng tsāi sè-kan
