何必再想伊
《何必再想伊》Hô-pit Tsài Siūnn I
郭金發Kueh Kim-huat
——————————————
既然是欲來
kì-jiân sī beh lâi
離開無聊的都市
lī-khui bô-liâu ê too-tshī
你應該將著
lí ing-kai tsiong tio̍h
過去一切來放離
kuè-khì it-tshè lâi pàng lī
到現在你著了解
kàu hiān-tsāi lí tio̍h liáu-kái
伊是無心假有意
i sī bô-sim ké ū-ì
何必著戀戀不捨
hô-pit tio̍h luân-luân put-siá
來咧思念伊
lâi teh su-liām i
一旦來離開都市
it-tàn lâi lī-khui too-tshī
回轉咱鄉里
huê-tńg lán hiong-lí
有時也感覺
ū-sî iā kám-kak
生活稀微無滋味
sing-ua̍h hi-bî bô tsu-bī
為著咱光明前途
uī-tio̍h lán kong-bîng tsiân-tôo
你應該愛著有勇氣
lí ing-kai ài tio̍h ū ióng-khì
你每日怎樣怨嘆
lí muí-ji̍t tsuánn-iūnn uàn-thàn
也是無了時
iā-sī bô-liáu-sî
你哪通無主無意
lí ná thang bô-tsú-bô-ì
傷情到深更
siong-tsîng kàu tshim-kinn
你哪通無打無算
lí ná thang bô-tánn-bô-sǹg
誤過青春時
gōo kuè tshing-tshun sî
咱應該抱著樂觀
lán ing-kai phō tio̍h lo̍k-kuan
一切看破放袂記
it-tshè khuànn-phuà pàng-buē-kì
為將來求取幸福
uī tsiong-lâi kiû-tshú hīng-hok
何必再想伊
hô-pit tsài siūnn i
