澎湖的故鄉
《澎湖的故鄉》Phînn-ôo ê kòo-hiong
張寶郎Tiunn Pó-lông
高雄市IMC合唱團Ko-hiông-tshī IMC Ha̍p-tshiùnn-thuân
——————————————
月色光光照銀海
gue̍h-sik kng-kng tsiàu gîn-hái
海風冷冷吹過來
hái-hong líng-líng tshue–kuè-lâi
深夜無伴踮船內
tshim-iā bô-phuānn tiàm tsûn-lāi
想著心悲哀
siūnn-tio̍h sim pi-ai
遠遠看著一座孤島
hn̄g-hn̄g khuànn-tio̍h tsi̍t-tsō koo-tó
是我出世的所在
sī guá tshut-sì ê sóo-tsāi
可愛的故鄉澎湖島
khó-ài ê kòo-hiong Phînn-ôo-tó
懷思在心內
huâi-su tsāi sim-lāi
思念故鄉澎湖島
su-liām kòo-hiong Phînn-ôo-tó
爸母無人來照顧
pē-bú bô-lâng lâi tsiàu-kòo
身在他鄉心痛苦
sin tsāi thann-hiong sim thòng-khóo
也是無法度
iā-sī bô-huat-tōo
為妹三年的艱苦
uī muē sann-nî ê kan-khóo
奮發男兒的前途
hùn-huat lâm-jî ê tsiân-tôo
雖然海中小港都
sui-jiân hái-tiong sió káng-too
也是阮的故鄉
iā-sī gún ê kòo-hiong
天涯漂泊
thian-gâi phiau-po̍k
為著生活
uī-tio̍h sing-ua̍h
一鎮過了又一市
tsi̍t-tìn kuè-liáu iū tsi̍t-tshī
一別妹妹幾若年
it-pa̍t muē-muē kuí-lō nî
毋敢放袂記
m̄-kánn pàng-buē-kì
毋敢放袂記
m̄-kánn pàng-buē-kì
妹妹一定真受氣
muē-muē it-tīng tsin siūnn-khì
想著傷心珠淚滴
siūnn-tio̍h siong-sim tsu-luī tih
無論天涯海角
bô-lūn thian-gâi hái-kak
一定轉故里
it-tīng tńg kòo-lí
