戇人的夢
憨人的夢 – 倚瑄 | StreetVoice 街聲 – 最潮音樂社群
《戇人的夢》Gōng-lâng ê Bāng
張倚瑄Tiunn Í-suan
——————————————
戇人的夢
gōng-lâng ê bāng
是變成一个快樂的人
sī piàn-sîng tsi̍t-ê khuài-lo̍k ê lâng
毋免煩惱未來
m̄-bián huân-ló bī-lâi
只要平凡看日頭落山
tsí-iàu pîng-huân khuànn ji̍t-thâu lo̍h-suann
戇人的夢
gōng-lâng ê bāng
是變成一个快樂的人
sī piàn-sîng tsi̍t-ê khuài-lo̍k ê lâng
會當食予飽
ē-tàng tsia̍h hōo pá
睏甲流喙瀾
khùn kah lâu tshuì-nuā
自由自在唱著歌
tsū-iû tsū-tsāi tshiùnn tio̍h kua
戇戇仔做
gōng-gōng-á tsò
沓沓仔行
ta̍uh-ta̍uh-á kiânn
這馬的社會已經攏無仝
tsit-má ê siā-huē í-king lóng bô-kāng
海海的人生
hái-hái ê jîn-sing
每一个人攏有一个夢
muí tsi̍t-ê lâng lóng ū tsi̍t-ê bāng
為著理想來走傱
uī-tio̍h lí-sióng lâi tsáu-tsông
為著生活來拍拚
uī-tio̍h sing-ua̍h lâi phah-piànn
騎著烏肚䆀
khiâ tio̍h oo-tóo-bái
哪會雄雄吼出聲
ná ē hiông-hiông háu tshut-siann
誰知影
siáng tsai-iánn
共所有的艱苦
kā sóo-ū ê kan-khóo
攏囥佇腹肚內底
lóng khǹg tī pak-tóo lāi-té
是啥物款的滋味啊
sī siánn-mih khuán ê tsu-bī–ah
你敢知
lí kám tsai
誰知影心內的委屈
siáng tsai-iánn sim-lāi ê uí-khut
孤單寂寞
koo-tuann tsi̍k-bo̍k
已經是永遠的疼
í-king sī íng-uán ê thiànn
你敢知
lí kám tsai
你敢知
lí kám tsai
你敢知
lí kám tsai
大漢了後才知影
tuā-hàn liáu-āu tsiah tsai-iánn
人生毋通回頭
jîn-sing m̄-thang huê-thâu
後悔嘛無效
hiō-hué mā bô-hāu
佇這个繁華的世界
tī tsit ê huân-huâ ê sè-kài
煞袂記按怎出聲
suah buē-kì án-ná tshut-siann
就按呢恬恬仔吼
tsiū-án-ne tiām-tiām-á háu
一冬過一冬
tsi̍t-tang kuè tsi̍t-tang
規氣做一个戇人
kui-khì tsuè tsi̍t-ê gōng-lâng
做一个戇人
tsuè tsi̍t-ê gōng-lâng
誰知影
siáng tsai-iánn
共所有的艱苦
kā sóo-ū ê kan-khóo
攏囥佇腹肚內底
lóng khǹg tī pak-tóo lāi-té
是啥物款的滋味
sī siánn-mih khuán ê tsu-bī
你敢知
lí kám tsai
誰知影
siáng tsai-iánn
咱認真拍拚
lán jīn-tsin phah-piànn
等待的好日子敢會來
tán-thāi ê hó ji̍t-tsí kám ē lâi
喔~咱攏是戇人
ooh~ lán lóng-sī gōng-lâng
喔~咱攏是戇人
ooh~ lán lóng-sī gōng-lâng
