悲情的月臺
《悲情的月臺》Pi-tsîng ê Gua̍t-tâi
張素綾Tiunn Sòo-lîng
——————————————
一時想欲共囝帶
tsi̍t-sî siūnn-beh kāng kiánn tuà
無疑環境毋准我
bô-gî khuân-kíng m̄-tsún guá
恨運命來拖磨
hūn ūn-miā lâi thua-buâ
傷心放囝予婆𤆬
siong-sim pàng kiánn hōo pô tshuā
啊~想著心內搐搐彈
ah~ siūnn-tio̍h sim-lāi tiuh-tiuh tuānn
三人行到車頭邊
sann-lâng kiânn kàu tshia-thâu pinn
車螺的聲帶哀悲
tshia-lê ê siann tuà ai-pi
感動阮目屎滴
kám-tōng gún ba̍k-sái tih
傷心閣再欲分離
siong-sim koh-tsài beh hun-lî
啊~踮在車頭心痴疑
ah~ tiàm-tsāi tshia-thâu sim tshi-gî
無情火車欲駛離
bô-tsîng hé-tshia beh sái lî
趕緊開窗看出去
kuánn-kín khui thang khàn–tshut-khì
看著阮的細囝
khuànn-tio̍h gún ê sè-kiánn
毋願行出月臺邊
m̄-guān kiânn tshut gua̍t-tâi pinn
啊~怎樣叫阮行會離
ah~ tsuánn-iūnn kiò gún kiânn ē-lī
