好鼻師
《好鼻師》Hó-phīnn-sai
張寶郎Tiunn Pó-lông
——————————————
好鼻師好鼻師
hó-phīnn-sai hó-phīnn-sai
我是一个好鼻師
guá sī tsi̍t-ê hó-phīnn-sai
好鼻師
hó-phīnn-sai
欲食好物
beh tsia̍h hó-mi̍h
予我來紹介
hōo gún lâi siāu-kài
東港thóo-looh人人愛
Tang-káng thóo-looh lâng-lâng ài
毋通大聲假囂俳
m̄-thang tuā-siann ké hiau-pai
才袂納錢硞硞哀
tsiah bē la̍p-tsînn kho̍k-kho̍k ai
烏真珠毋免蓋
oo-tsin-tsu m̄-bián kài
請人客真豐沛
tshiánn-lâng-kheh tsin phong-phài
包你食甲歡喜翹目眉
pau lí tsia̍h kah huann-hí khiàu ba̍k-bâi
正文旦麻豆栽
tsiànn bûn-tàn Muâ-tāu tsai
揀大粒是上戇呆
kíng tuā-lia̍p sī siōng gōng-tai
外皮歹看甜腹內
guā-phuê pháinn-khuànn tinn pak-lāi
當做三頓食嘛無敗害
tòng-tsuè sann-tǹg tsia̍h mā bô pāi-hāi
好鼻好鼻師好鼻師
hó phīnn hó-phīnn-sai hó-phīnn-sai
關廟出王梨
Kuan-biō tshut ông-lâi
有通食閣有通載
ū-thang tsia̍h koh ū-thang tsài
會當送人真慷慨
ē-tàng sàng–lâng tsin khóng-khài
若滿意
nā buán-ì
明年著愛閣再來
mâ-nî tio̍h-ài koh-tsài lâi
梨山出水梨
Lê-san tshut tsuí-lâi
輕鬆毋免刣
khin-sang m̄-bián thâi
滋味好真大牌
tsu-bī hó tsin tuā-pâi
愛注意
ài tsù-ì
毋通食甲傷飽
m̄-thang tsia̍h kah siunn pá
落肚臍
làu tōo-tsâi
好鼻師好鼻師
hó-phīnn-sai hó-phīnn-sai
我是一个好鼻師
guá sī tsi̍t-ê hó-phīnn-sai
好鼻師
hó-phīnn-sai
欲食好物
beh tsia̍h hó-mi̍h
予我來紹介
hōo gún lâi siāu-kài
埔里甘蔗天頂來
Poo-lí kam-tsià thinn-tíng lâi
好食閣毋免喙齒利
hó-tsia̍h koh m̄-bián tshuì-khí lāi
毋捌食真無彩
m̄-bat tsia̍h tsin bô-tshái
買一枝來試較實在
bé tsi̍t-ki lâi tshì khah si̍t-tsāi
澎湖塗豆通人知
Phînn-ôo thôo-tāu thong-lâng tsai
規年曝日向大海
kui-nî pha̍k-ji̍t ǹg tuā-hái
𤉙豬跤是名菜
kûn ti-kha sī miâ-tshài
製造貢糖
tsè-tsō kòng-thn̂g
食甲笑咍咍
tsia̍h kah tshiò-hai-hai
好鼻好鼻師
hó phīnn hó-phīnn-sai
好鼻師
hó-phīnn-sai
我是一个
guá sī tsi̍t-ê
好鼻師好鼻師
hó-phīnn-sai hó-phīnn-sai
嘿!
heh!
