天星伴稀微
《天星伴稀微》Thinn-tshinn Phuānn Hi-bî
莊恪名Tsng Khok-bîng(阿德A-tik)
——————————————
夜港邊孤單咧想你
iā káng-pinn koo-tuann teh siūnn lí
心畏寒無你來做伴
sim uì-kuânn bô lí lâi tsuè-phuānn
想以前咱相愛
siūnn í-tsîng lán siong-ài
相愛遐濟年
siong-ài hiah tsē nî
今夜寂寞只有天星
kim-iā tsi̍k-bo̍k tsí-ū thinn-tshinn
天星伴稀微
thinn-tshinn phuānn hi-bî
海波浪聲音
hái-pho-lōng siann-im
替阮訴哀悲
thè gún sòo ai-pi
海鳥叫阮
hái-tsiáu kiò gún
將你放袂記
tsiong lí pàng-buē-kì
將過去擲落大海
tsiong kuè-khì tàn lo̍h tuā-hái
隨浪飄去
suî lōng phiau–khì
莫閣懷念
mài koh huâi-liām
堅心行出
kian-sim kiânn tshut
行出我自己
kiânn tshut guá tsū-kí
