啉酒狂想曲
《啉酒狂想曲》Lim-tsiú Kông-sióng-khik
張寶郎Tiunn Pó-lông
高雄市IMC合唱團Ko-hiông-tshī IMC Ha̍p-tshiùnn-thuân
——————————————
酒囥腹內好保存
tsiú khǹg pak-lāi hó pó-tsûn
積久量濟會划船
tsik kú liōng tsē ē kò-tsûn
朋友交陪我上準
pîng-iú kau-puê guá siōng tsún
久來名聲就傳聞
kú–lâi miâ-siann tiō thuân-bûn
男男女女來做群
lâm-lâm-lú-lú lâi tsuè-kûn
歡歡喜喜解憂悶
huann-huann-hí-hí kái iu-būn
就是豪傑超仙倫
tiō-sī hô-kia̍t thiau sian-lûn
嘛愛幾杯來溼潤
mā ài kuí-pue lâi sip-jūn
一分清醒顧身份
tsi̍t-hun tshing-tshénn kòo sin-hūn
兩分相敬表誠懇
nn̄g-hun siong-kìng piáu sîng-khún
三分乾杯祝好運
sann-hun kan-pue tsiok hó-ūn
四分開始欲喝拳
sì-hun khai-sí beh huah-kûn
五分漸漸無輩份
gōo-hun tsiām-tsiām bô puè-hūn
六分搶欲發妙論
la̍k-hun tshiúnn beh huat miāu-lūn
七分畏寒交懍恂
tshit-hun uì-kuânn ka-líng-sún
八分跤步踏袂穩
peh-hun kha-pōo ta̍h bē-ún
九分氣喘胃絞滾
káu-hun khì tshuán uī ká-kún
這時逐家看準準
tsit-sî ta̍k-ke khuànn tsún-tsún
等欲送你去歇睏
tán beh sàng lí khì hioh-khùn
若是堅持啉十分
nā sī kian-tshî lim tsa̍p-hun
急診開開咧等君
kip-tsín khui-khui teh tán kun
