今生為你咧等待
《今生為你咧等待》Kim-sing Uī Lí Teh Tán-thāi
張惠琦Tiunn Huī-kî(聿綾U̍t-lîng)
——————————————
兩人真心有意愛
nn̄g-lâng tsin-sim ū ì-ài
無疑情海受阻礙
bô-gî tsîng-hái siū tsóo-gāi
你的山盟佮海誓
lí ê san-bîng kah hái-sè
予阮愛你深似海
hōo gún ài lí tshim sū-hái
環境迫咱拆分開
khuân-kíng pik lán thiah hun-khui
有緣無份上克虧
ū-iân bô-hūn siōng khik-khui
日思夜夢咧等待
ji̍t-su iā-bāng teh tán-thāi
真心愛你
tsin-sim ài lí
你敢攏毋知
lí kám lóng m̄-tsai
袂當閣再將你留
buē-tàng koh-tsài tsiong lí lâu
無人比你較重要
bô-lâng pí lí khah tiōng-iàu
目屎吞入腹肚內
ba̍k-sái thun ji̍p pak-tóo-lāi
今生今世
kim-sing kim-sè
為你咧等待
uī lí teh tán-thāi
