瑪摺的
《瑪摺的》Má-tsih–ê
張志良Tiunn Tsì-liông
——————————————
志氣是咱的名
tsì-khì sī lán ê miâ
風風雨雨做陣行
hong-hong-ú-ú tsuè-tīn kiânn
人生路途無時定
jîn-sing lōo-tôo bô-sî tiānn
困難阻礙嘛毋驚
khùn-lân tsóo-gāi mā m̄-kiann
無論天予咱啥物命
bô-lūn thinn hōo lán siánn-mih miā
愛有擔當的肩胛
ài ū tam-tng ê king-kah
坎坷路跋倒咱毋驚
khám-khia̍t lōo pua̍h-tó lán m̄-kiann
提出信心向前行
the̍h tshut sìn-sim hiòng-tsiân kiânn
喔~瑪摺的瑪摺的
ooh~ má-tsih–ê má-tsih–ê
做陣衝
tsuè-tīn tshiong
有輸過無驚過的堅強
ū su–kuè bô kiann–kuè ê kian-kiông
瑪摺的瑪摺的
má-tsih–ê má-tsih–ê
上蓋勇
siōng-kài ióng
有一工絕對會來成功
ū-tsi̍t-kang tsua̍t-tuì ē lâi sîng-kong
喔~瑪摺的瑪摺的
ooh~ má-tsih–ê má-tsih–ê
聽我講
thiann guá kóng
咱攏是換帖的兼死忠
lán lóng-sī uānn-thiap–ê kiam sí-tiong
瑪摺的瑪摺的
má-tsih–ê má-tsih–ê
像太陽
tshiūnn thài-iông
充滿著
tshiong-buán tio̍h
堅定的情佮善良
kian-tīng ê tsîng kah siān-liông
—
你我兄弟免講啥
lí guá hiann-tī bián kóng siánn
一个眼神就知影
tsi̍t-ê gán-sîn tiō tsai-iánn
歡喜同齊來唱歌
huann-hí tâng-tsê lâi tshiùnn-kua
大聲唱歌予人聽
tuā-siann tshiùnn-kua hōo-lâng thiann
會記得困難來陪我
ē-kì-tit khùn-lân lâi puê guá
做伙奮鬥流過汗
tsuè-hué hùn-tàu lâu kuè kuānn
會記得捀杯來予焦
ē-kì-tit phâng pue lâi hōo ta
爽爽快快啉一攤
sóng-sóng-khuài-khuài lim tsi̍t-thuann
