暗戀
《暗戀》Àm-luân
張小玲Tiunn Sió-lîng
——————————————
初次佮你來熟似
tshoo-tshù kah lí lâi si̍k-sāi
愛你愛在心肝內
ài lí ài tsāi sim-kuann-lāi
想欲對你訴出來
siūnn-bueh tuì lí sòo–tshut-lâi
又閣驚你有人愛
iū-koh kiann lí ū-lâng ài
這款心情誰了解
tsit khuán sim-tsîng siáng liáu-lái
這款痴情無人知
tsit khuán tshi-tsîng bô-lâng tsai
有啥人替阮來安排
ū siánn-lâng thè gún lâi an-pâi
希望早日你了解
hi-bāng tsá-ji̍t lí liáu-kái
無疑好天雨落來
bô-gî hó-thinn hōo lo̍h–lâi
沃醒阮對你的愛
ak tshínn gún tuì lí ê ài
彼日看你牽別人
hit-ji̍t khuànn lí khan pa̍t-lâng
目屎流入心肝內
ba̍k-sái lâu ji̍p sim-kuann-lāi
