攏嘛無人知
《攏嘛無人知》Lóng-mā Bô-lâng Tsai
張羽偉Tiunn Ú-uí
焦炭樂團Tsiau-thuànn Ga̍k-thuân
——————————————
啥物時間啥物日子
siánn-mih sî-kan siánn-mih ji̍t-tsí
啥物代誌啥物過去
siánn-mih tāi-tsì siánn-mih kuè-khì
攏嘛無人知喔
lóng-mā bô-lâng tsai–ooh
啥物時陣啥物情形
siánn-mih sî-tsūn siánn-mih tsîng-hîng
啥物地點啥物影響
siánn-mih tē-tiám siánn-mih íng-hióng
嘛是無人知喔
mā sī bô-lâng tsai–ooh
啥人做主啥人𤆬頭
siánn-lâng tsuè-tsú siánn-lâng tshuā-thâu
啥人動跤啥人動手
siánn-lâng tāng-kha siánn-lâng tāng-tshiú
攏總反出來
lóng-tsóng píng–tshut-lâi
你推我推怹推
lí the guá the in the
伊推頂推下推
i the tíng the ē the
看啥人較衰
khuànn siánn-lâng khah sue
嘛是無人知喔
mā sī bô-lâng tsai–ooh
啥物時代啥物款人
siánn-mih sî-tāi siánn-mih khuán lâng
啥物款命啥物註定
siánn-mih khuán miā siánn-mih tsù-tiānn
講講咧無人知喔
kóng-kóng–eh bô-lâng tsai–ooh
啥人敢做啥人敢當
siánn-lâng kánn tsuè siánn-lâng kánn tng
啥人敢做
siánn-lâng kánn tsuè
敢做若毋當
kánn tsuè nā m̄ tng
嘛是無人知喔
mā sī bô-lâng tsai–ooh
目睭瞌瞌就無人知喔
ba̍k-tsiu kheh-kheh tō bô-lâng tsai–ooh
雙手硩硩就無人知喔
siang-tshiú teh-teh tō bô-lâng tsai–ooh
紅包楔楔就無人知喔
âng-pau seh-seh tō bô-lâng tsai–ooh
頂面硩硩就無人知喔
tíng-bīn teh-teh tō bô-lâng tsai–ooh
風頭閃閃就無人知喔
hong-thâu siám-siám tō bô-lâng tsai–ooh
只有你家己心內知喔
tsí-ū lí ka-kī sim-lāi tsai–ooh
