啥物攏毋驚
《啥物攏毋驚》Siánn-mih Lóng M̄-kiann
張羽偉Tiunn Ú-uí
焦炭樂團Tsiau-thuànn Ga̍k-thuân
——————————————
向前行
hiòng-tsiân kiânn
咱著向前行
lán tio̍h hiòng-tsiân kiânn
逐家若鬥陣
ta̍k-ke nā tàu-tīn
啊啥物攏毋驚
ah siánn-mih lóng m̄-kiann
咱是臺灣的天公仔囝喔
lán sī Tâi-uân ê thinn-kong-á-kiánn–ooh
天公會共咱惜命命
thinn-kong ē kā lán sioh-miā-miā
毋免驚
m̄-bián kiann
咱著毋免驚
lán tio̍h m̄-bián kiann
逐家若合作
ta̍k-ke nā ha̍p-tsok
就啥物攏毋驚
tiō siánn-mih lóng m̄-kiann
咱是臺灣的天公仔囝喔
lán sī Tâi-uân ê thinn-kong-á-kiánn–ooh
啊咱是臺灣的第一名
ah lán sī Tâi-uân ê tē-it-miâ
珍惜咱的土地喔
tin-sioh lán ê thóo-tē–ooh
拍拚著愛靠逐家啊
phah-piànn tio̍h-ài khò ta̍k-ke–ah
歡喜逐家來做伙
huann-hí ta̍k-ke lâi tsò-hué
你的前途我來陪
lí ê tsiân-tôo guá lâi puê
咱是一家人喔
lán sī tsi̍t-ke-lâng–ooh
無分大佮細啊
bô hun tuā kah sè–ah
既然有緣來做伙
kì-jiân ū-iân lâi tsò-hué
逐家互相來勉勵
ta̍k-ke hōo-siong lâi bián-lē
鬥陣行
tàu-tīn kiânn
咱著鬥陣行
lán tio̍h tàu-tīn kiânn
逐家若仝心
ta̍k-ke nā kāng-sim
啊啥物攏毋驚
ah siánn-mih lóng m̄-kiann
為著咱的好名聲
uī-tio̍h lán ê hó miâ-siann
欲將上世界的第一名
beh tsiong tsiūnn sè-kài ê tē-it-miâ
