鹿港師賣牛仔褲
《鹿港師賣牛仔褲》Lo̍k-káng-sai Bē Gû-á-khòo
康丁Khong-ting(張錫圭Tiunn Sik-kui)
——————————————
↓↓(口白)—(口白)↓↓
來喔
lâi–ooh
來買正西部的牛仔褲啦
lâi bué tsiànn Se-pōo ê gû-á-khòo–lah
來啊
lâi–ah
勾著鐵釘仔
kau tio̍h thih-ting-á
鐵釘仔會曲去的牛仔褲啦
thih-ting-á ē khiau–khì ê gû-á-khòo–lah
↑↑(口白)—(口白)↑↑
謼嘿謼
hooh-heh-hooh
嘿謼嘿謼
heh-hooh heh-hooh
謼嘿謼嘿謼嘿謼
hooh-heh-hooh-heh hooh-heh-hooh
先生小姐來買牛仔褲
sian-sinn sió-tsiá lâi bué gû-á-khòo
牛仔褲嘿牛仔褲
gû-á-khòo–heh gû-á-khòo
會做禮數兼桌布
ē tsuè lé-sòo kiam toh-pòo
穿著活潑又大方
tshīng-tio̍h hua̍t-phuat iū tāi-hong
毋管查某抑查埔
m̄-kuán tsa-bóo ia̍h tsa-poo
褲頭有細也有粗
khòo-thâu ū suè iā ū tshoo
紅花柳綠也有烏
âng-hue liú-li̍k iā ū oo
↓↓(口白)—(口白)↓↓
來喔
lâi–ooh
會做禮數兼桌布的牛仔褲啦
ē tsuè lé-sòo kiam toh-pòo ê gû-á-khòo–lah
來啊
lâi–ah
牛仔褲啦
gû-á-khòo–lah
鹿港師的正牛仔褲啦
Lo̍k-káng-sai ê tsiànn gû-á-khòo–lah
