福建皇后大道東高
《福建皇后大道東》Hok-kiàn Hông-hiō Tuā-tō-tang
高鴻Ko Hông(馬來西亞)
——————————————
人講人的性命
lâng kóng lâng ê sìnn-miā
親像一陣風
tshin-tshiūnn tsi̍t-tsūn hong
無論啥物倔強
bô-lūn siánn-mih ku̍t-kiông
嘛著展笑容
mā tio̍h tián tshiò-iông
為著將來出頭
uī-tio̍h tsiong-lâi tshut-thâu
流浪在他鄉
liû-lōng tsāi thann-hiong
敢講你我攏有
kám-kóng lí guá lóng ū
無奈的苦衷
bô-nāi ê khóo-thiong
漂泊四方
phiau-po̍k su-hong
為著賭強佮理想
uī-tio̍h tóo-kiông kah lí-sióng
啥物困難
siánn-mih khùn-lân
著欲互相來參詳
tio̍h-beh hōo-siong lâi tsham-siông
男子漢的朋友
lâm-tsú-hàn ê pîng-iú
你哪遮僥雄
lí ná tsuah hiau-hiông
毋驚失敗錯誤
m̄-kiann sit-pāi tshò-gōo
決心做英雄
kuat-sim tsuè ing-hiông
啥人無愛親像
siánn-lâng bô-ài tshin-tshiūnn
花芳正芬芳
hue-phang tsiànn hun-hong
走遍天涯
tsáu-piàn thian-gâi
期望一日會成功
kî-bōng tsi̍t-ji̍t ē sîng-kong
毋免怨嘆怨命
m̄-bián uàn-thàn uàn miā
攏是天註定
lóng-sī thinn tsù-tiānn
受風受雨
siū hong siū hōo
甘願對你拚輸贏
kam-guān tuì lí piànn-su-iânn
↓↓(RAP)—(RAP)—(RAP)↓↓
風遮爾大
hong tsiah-nī tuā
毋免驚
m̄-bián kiann
為著前途來拚輸贏
uī-tio̍h tsiân-tôo lâi piànn-su-iânn
雨遮爾大
hōo tsiah-nī tuā
毋驚惶
m̄ kiann-hiânn
朋友兄弟共恁晟
pîng-iú hiann-tī kā lín tshiânn
風遮爾大
hong tsiah-nī tuā
毋免驚
m̄-bián kiann
為著前途來拚輸贏
uī-tio̍h tsiân-tôo lâi piànn-su-iânn
雨遮爾大
hōo tsiah-nī tuā
毋驚惶
m̄ kiann-hiânn
朋友兄弟共恁晟
pîng-iú hiann-tī kā lín tshiânn
↑↑(RAP)—(RAP)—(RAP)↑↑
