福建人的心聲
《福建人的心聲》Hok-kiàn-lâng ê Sim-siann
高鴻Ko Hông(馬來西亞)
——————————————
福建人的心聲
Hok-kiàn-lâng ê sim-siann
無人會知影
bô-lâng ē tsai-iánn
日日暝暝
ji̍t-ji̍t mî-mî
為著三頓來拍拚
uī-tio̍h sann-tǹg lâi phah-piànn
無食無睏真歹命
bô-tsia̍h bô-khùn tsin pháinn-miā
想著目屎滴袂煞
siūnn-tio̍h ba̍k-sái tih buē-suah
人生親像跋筊
jîn-sing tshin-tshiūnn pua̍h-kiáu
毋是輸就是贏
m̄-sī su tsiū-sī iânn
看你運氣好
khuànn lí ūn-khì hó
抑是歹命
ia̍h-sī pháinn-miā
成功著靠自己
sîng-kong tio̍h khò tsū-kí
你千萬毋通學人貧惰
lí tshian-bān m̄-thang o̍h lâng pîn-tuānn
日日暝暝
ji̍t-ji̍t mî-mî
為著三頓來拍拚
uī-tio̍h sann-tǹg lâi phah-piànn
無食無睏真歹命
bô-tsia̍h bô-khùn tsin pháinn-miā
啥人啥人啊
siánn-lâng siánn-lâng–ah
會知影
ē tsai-iánn
是好是歹啊
sī hó sī pháinn–ah
你欲行
lí beh kiânn
頭前是暗是光
thâu-tsîng sī àm sī kng
你欲看
lí beh khuànn
毋通行錯路
m̄-thang kiânn-tshò lōo
心頭愛正
sim-thâu ài tsiànn
哎呀!拚拚拚
aih-iah! piànn piànn piànn
從早拚到日頭落山
tsiông-tsá piànn kàu ji̍t-thâu lo̍h-suann
但求平安生活安定
tān kiû pîng-an sing-ua̍h an-tiānn
每日望啊望等啊等
muí-ji̍t bāng–ah bāng tán–ah tán
欲成功你愛拚
beh sîng-kong lí ài piànn
