情路家己行
《情路家己行》Tsîng-lōo Ka-kī Kiânn
康龍Khong-liông
——————————————
你恬恬來離開阮身邊
lí tiām-tiām lâi lī-khui gún sin-pinn
全無帶念甜蜜的過去
tsuân bô tài-liām tinn-bi̍t ê kuè-khì
毋講半句話做你去
m̄ kóng puànn-kù uē tsuè lí khì
將咱戀情放風飛
tsiong lán luân-tsîng pàng hong pue
咱的山盟佮海誓
lán ê san-bîng kah hái-sè
綴著時間起變卦
tuè tio̍h sî-kan khí piàn-kuà
有緣無份拆分開
ū-iân bô-hūn thiah hun-khui
願你揣著新的伴侶
guān lí tshuē-tio̍h sin ê phuānn-lī
變質的感情愛看破
piàn-tsit ê kám-tsîng ài khuànn-phuà
莫閣留戀心肝咧拖磨
mài koh liû-luân sim-kuann teh thua-buâ
情路註定家己行
tsîng-lōo tsù-tiānn ka-kī kiânn
