夜市之歌
《夜市之歌》Iā-tshī tsi Kua
高雄市合唱團Ko-hiông-tshī Ha̍p-tshiùnn-thuân
高雄市佳音合唱團Ko-hiông-tshī Ka-im Ha̍p-tshiùnn-thuân
高雄市IMC合唱團Ko-hiông-tshī IMC Ha̍p-tshiùnn-thuân
——————————————
來喔
lâi–ooh
人客啊
lâng-kheh–ah
來坐喔
lâi tsē–ooh
喔!辦遮濟
ooh! pān tsiah tsē
夜市仔到囉
iā-tshī-á kàu–looh
媠喔
suí–ooh
今日的暗頓
kin-á-ji̍t ê àm-tǹg
就欲佇遮解決囉
tiō beh tī tsia kái-kuat–looh
逐家錢攢予好
ta̍k-ke tsînn tshuân hōo hó
就欲共食落
tō beh kā tsia̍h–lo̍h
–
歡迎來夜市
huan-gîng lâi iā-tshī
蓋濟點心擔
kài tsē tiám-sim-tànn
若是欲知影
nā-sī beh tsai-iánn
啥物上好食
siánn-mih siōng hó-tsia̍h
毋免開大錢
m̄-bián khai tuā tsînn
毋免問名聲
m̄-bián mn̄g miâ-siann
包你攏滿意
pau lí lóng muá-ì
逐項攏好食
ta̍k-hāng lóng hó-tsia̍h
歡迎來夜市
huan-gîng lâi iā-tshī
蓋濟點心擔
kài tsē tiám-sim-tànn
有人欲食飽
ū-lâng beh tsia̍h pá
有人欲食巧
ū-lâng beh tsia̍h khiáu
勸你慢慢來
khǹg lí bān-bān lâi
一擔一擔看
tsi̍t-tànn-tsi̍t-tànn khuànn
逐家相招伴
ta̍k-ke sio tsio-phuānn
食甲笑哈哈
tsia̍h kah tshiò ha-ha
人真濟
lâng tsin tsē
生理袂䆀喔
sing-lí buē-bái–ooh
燒的牛肉攕喔
sio ê gû-bah-tshiám–ooh
乎!有夠芳
hooh! ū-kàu phang
來一攕啦
lâi tsi̍t-tshiám–lah
滷肉飯米粉炒
lóo-bah-pn̄g bí-hún-tshá
塗豆𤉙豬跤
thôo-tāu kûn ti-kha
豬血湯鹹菜鴨
ti-hueh-thng kiâm-tshài-ah
麻油雞酒山豬肉
muâ-iû ke-tsiú suann-ti-bah
一盤閣一盤
tsi̍t-puânn koh tsi̍t-puânn
一攤閣一攤
tsi̍t-thuann koh tsi̍t-thuann
來!食火鍋喔
lâi! tsia̍h hué-ko–ooh
牛肉羊肉豬肉攏有
gû-bah iûnn-bah ti-bah lóng ū
內面坐喔
lāi-bīn tsē–ooh
臭豆腐蚵仔煎
tshàu-tāu-hū ô-á-tsian
大腸𩛩煙腸
tuā-tn̂g kauh ian-tshiân
虱目魚丸上蓋鮮
sat-ba̍k-hî-uân siōng-kài sian
米血菜頭兼烏輪
bí-hueh tshài-thâu kiam oo-lián
營養滋味攏袂偏
îng-ióng tsu-bī lóng buē phinn
包你永遠食袂𤺪
pau lí íng-uán tsia̍h buē siān
來喔~鴨頭〇〇〇〇
lâi–ooh~ ah-thâu ????
試食免錢啊
tshì-tsia̍h bián-tsînn–ah
海產糜擔仔麵
hái-sán-muê tànn-á-mī
塗魠魚羹炒鱔魚
thôo-thoh-hî-kenn tshá-siān-hî
排骨酥狗咬豬
pâi-kut-soo káu-kā-ti
蔥仔餅sù-sih
tshang-á-piánn sù-sih
價錢公道毋免比
kè-tsînn kong-tō m̄-bián pí
予你食甲笑微微
hōo lí tsia̍h kah tshiò bî-bî
若是欲食外國味
nā-sī beh tsia̍h guā-kok bī
牛排比薩漢堡佮炸雞
gû-pâi bǐsà hànbǎo kah zhàjī
泰式沙拉酸辣鍋
tàishìshālā suānlàguō
德國豬跤意大利麵
déguózhūjiāo yìdàlìmiàn
韓國泡菜石鍋飯
hánguópàocài shíguōfàn
蒙古烤肉瑞士捲
ménggǔkǎoròu ruìshìjuǎn
猶有白飯紫菜湯
iáu-ū pe̍h-pn̄g tsí-tshài-thng
予你食免驚
hōo lí tsia̍h bián-kiann
最後甜湯來一杯
tsuè-āu tinn-thng lâi tsi̍t-pue
仙草薁蕘豆花
sian-tsháu ò-giô tāu-hue
珍珠奶茶
zhēnzhūnǎichá
喔~迷人的夜市
ooh~ bê-lâng ê iā-tshī
喔~好𨑨迌的夜市
ooh~ hó tshit-thô ê iā-tshī
臺灣出產好食物
Tâi-uân tshut-sán hó-tsia̍h mi̍h
欲食好物踅夜市
beh tsia̍h hó-mi̍h se̍h iā-tshī
