做伙來𬦰山行路
《做伙來𬦰山行路》Tsò-hué lâi Peh-suann Kiânn-lōo
高雄市IMC合唱團Ko-hiông-tshī IMC Ha̍p-tshiùnn-thuân
——————————————
大力
tuā-la̍t
喘氣
tshuán-khuì
欶著規山新鮮的空氣
suh tio̍h kui-suann sin-sián ê khong-khì
行予流汗
kiânn hōo lâu-kuānn
行出規身無用的臭汗
kiânn tshut kui-sin bô-iōng ê tshàu-kuānn
行出健康
kiânn tshut kiān-khong
行出美麗
kiânn tshut bí-lē
行予精神爽
kiânn hōo tsing-sîn sóng
朋友
pîng-iú
做伙來𬦰山行路
tsò-hué lâi peh-suann kiânn-lōo
朋友
pîng-iú
做伙來𬦰山行路
tsò-hué lâi peh-suann kiânn-lōo
毋驚山路崎閣懸
m̄-kiann suann-lōo kiā koh kuân
毋驚山路狹閣彎
m̄-kiann suann-lōo e̍h koh uan
一步一步勻勻仔行
tsi̍t-pōo tsi̍t-pōo ûn-ûn-á kiânn
山頂
suann-tíng
行久就會到位
kiânn kú tiō ē kàu-uī
路邊的花蕊
lōo-pinn ê hue-luí
放出清新的芳味
pàng tshut tshing-sin ê phang-bī
樹頂的粟仔鳥
tshiū-tíng ê tshik-á-tsiáu
唱著美妙的歌聲
tshiùnn tio̍h bí-miāu ê kua-siann
遠遠看著海邊
hn̄g-hn̄g khuànn tio̍h hái-pinn
一捲一捲溢來的波浪
tsi̍t-kńg-tsi̍t-kńg ik–lâi ê pho-lōng
遠遠看著海邊
hn̄g-hn̄g khuànn tio̍h hái-pinn
一捲一捲溢來的波浪
tsi̍t-kńg-tsi̍t-kńg ik–lâi ê pho-lōng
綠色的山
li̍k-sik ê suann
藍色的天
nâ-sik ê thinn
紅色的花
âng-sik ê hue
白色的雲
pe̍h-sik ê hûn
啊~世間
ah~ sè-kan
猶有啥物代誌通煩惱呢
iáu-ū siánn-mih tāi-tsì thang huân-ló–neh
啊~世間
ah~ sè-kan
猶有啥物代誌通煩惱呢
iáu-ū siánn-mih tāi-tsì thang huân-ló–neh
