做人著知足
《做人著知足》Tsuè-lâng Tio̍h Ti-tsiok
康龍Khong-liông
——————————————
凡事若想會通
huân-sū nā siūnn ē thong
代誌就無阻擋
tāi-tsì tiō bô tsóo-tòng
頭殼若想袂通
thâu-khak nā siūnn bē thong
拄著代誌就兩光
tú-tio̍h tāi-tsì tiō lióng-kong
工課著愛骨力做
khang-khuè tio̍h-ài kut-la̍t tsuè
才袂袋仔空空
tsiah buē tē-á khang-khang
咧半食餓
teh puànn-tsia̍h-gō
做人著知足
tsuè-lâng tio̍h ti-tsiok
行東往西
kiânn-tang óng-sai
逍遙自在閣幸福
siau-iâu tsū-tsāi koh hīng-hok
做人若袂知足
tsò-lâng nā bē ti-tsiok
嫌東怨西
hiâm-tang uàn-sai
日子過了真悲哀
ji̍t-tsí kuè-liáu tsin pi-ai
勸恁逐家愛知足
khǹg lín ta̍k-ke ài ti-tsiok
生活過著
sing-ua̍h kuè-tio̍h
健康閣快樂
kiān-khong koh khuài-lo̍k
