真情真愛
《真情真愛》Tsin-tsîng Tsin-ài
吳青陽Ngôo Tshing-iông
——————————————
天清清萬里無雲
thinn tshing-tshing bān-lí bô hûn
陣陣風微微
tsūn-tsūn hong bî-bî
夏去秋來帶涼意
hā khì tshiu lâi tài liâng-ì
樹頂鳥隻啊
tshiū-tíng tsiáu-tsiah–ah
跳舞唸歌詩
thiàu-bú liām kua-si
成雙成對
sîng-siang sîng-tuì
飛來又飛去
pue-lâi iū pue-khì
我來陪伴你
guá-lâi puê-phuānn lí
你來陪伴我
lí lâi puê-phuānn guá
雙人牽手情綿綿
siang-lâng khan-tshiú tsîng mî-mî
散步公園邊
sàn-pōo kong-hn̂g pinn
講話糖蜜甜
kóng-uē thn̂g-bi̍t-tinn
宛然親像一對好情侶
uán-jiân tshan-tshiūnn tsi̍t-tuì hó tsîng-lī
月光暝天星閃爍
ge̍h-kng-mî thinn-tshinn siám-sih
美麗的暗暝
bí-lē ê àm-mî
路燈光光照四邊
lōo-ting kng-kng tsiò sì-pinn
牡丹花開
bóo-tan-hue khui
陣陣散芳味
tsūn-tsūn sàn phang-bī
夜半深更
iā-puànn tshim-kinn
等待露水滴
tán-thāi lōo-tsuí tih
我來陪伴你
guá-lâi puê-phuānn lí
你來陪伴我
lí lâi puê-phuānn guá
雙人牽手情綿綿
siang-lâng khan-tshiú tsîng mî-mî
坐在水池邊
tsē tsāi tsuí-tî pinn
情話講規暝
tsîng-uē kóng kui-mî
時間已經到了深更時
sî-kan í-king kàu liáu tshim-kinn sî
